اهلا بكم مع مسلسل**( الرغايه)** الجزء الاول

ياترى فاكرين الرغايه بتاعت زمان اللى كانت بتنقل الاخبار اللى بتسمعها
على العموم انا هعمل نفس الدور ولكن لهدف ان يتعرف الجميع على الاخبار فى المجال من حوله

الحلقه الاولى :
المحاور : ازيك ياست طبعا كبرتى من زمان
الرغايه : فشر انا زى الفل طيب حتى جربنى
المحاور : طيب سمعتى ايه عن الامانه العامه فى وزاره الصحه
الرغايه :
شوف ياسيدى اللى انا سمعته انه كادر خاص من وزاره الصحه (يعنى مرتبات متميزه)
ويخضع تحت اشراف مكتب الوزير مباشره وفى كلام انه تبع المجلس القومى للمرأه (علاقه شرعيه )
يعنى تبع الناس الجامدين بس الصغيرين لا
وكمان سمعت ان اللى ماسك الامانه دكتور كبير فى القصر العينى وطبعا التقديم مقتصر
على الحبايب والدليل على كده ان مسشفى البنك الاهلى التابعه للامانه فى القطاميه
يوجد بها خريجى 2007 والمرتب ماشاء الله 950 جنيه
وده اسمه تشجيع شباب الخريجين من عمو وانكل
طيب انا لو زى ماوزير التنميه بيقول ان الاحق فى التقديم يشكو
هتروح هناك يقولك مع السلامه ------بره
طيب انا عايز اقدم -----خد رقم الفاكس ابعت عليه الcv
وسلملى على عمو الدكنور

المحاور : ماشاء الله عليكى لسه على نفس مستواك طيب لو سألتك على مستشفى العجوزه وازمه الكميائيين مع الفنينين

الرغايه : لا ده موضوع بسيط خالص الواد اسمه ايه سمع ان فى قرار نزل ان العقد يتم مساوه مع التعيين
وبذلك يتساوى الكميائيين المتعاقدين مع الفنى المعين (تكليف) فى التعيين
طبعا المدير عمل نفسه مش شايف او سامع
بس الخبر وصل وتم التقديم ورق به للمدير
بس القديمه تحلى لو كانت --
لان الفنيين اقدم كانو اقرب للمدير مما ادى الى تغيير فى الجدول وغيره
وكان ده بدايه القرف
بس اللى انا مش عارفه ازاى يصل الوضع لهذا الحد من التدخل من الفنيين
يمكن علشان زمان

المحاور : زمان ايه ؟ لازم تحكى
الرغايه : زمان كان فيه فنى فى المعمل ومع مرور الوقت مشى معظم اللى فى المستشفى
وكان الفنى كبير واسمه دكتور فلان
ومع مرور لعب فى ورقه واصبح من فنى تحاليل طبيه الى اخصائى تحاليل طبيه
واصبح مدير للمستشفى لفتره
ولكن حظه العسير عوده احد الاطباء القدامى من الخارج
واكتشاف الامر لانه كان يعرفه من زمان

المحاور : ياخبر الكلام ده بجد
لرغايه :القصه دى من كبير اطباء بالمستشفى ولعلمك المستشفى دى تبع الامانه

المحاور : طيب ايه اخبار السلام الدولى
الرغايه : طلبوا دكتور لتقيم العمل فى العمل فأعتقدوا انهم هيمشوا الناس ويغيروهم
بس انا حاسه ان الكلام ده مظبوط والدكتور ده جاى واسطه

المحاور : طيب فى اخبار عن القصرالعينى
الرغايه : فى دكتوره اسمها ايناس هتمسك معمل الرعايه فى الرابع وبذلك تكون اول الابناء فى تولى منصب مدير معمل فى القصر العينى
وهذا عكس ماحدث للاسف فى وحده الكلى

المحاور : طيب اخر حاجه المعامل الخاصه
الرغايه : لا ده موضوع كبير اوى
عندك فتحى وماادراك مافتحى
وغيره وغيره بعدين انا عايزه انام