بلدنا بلد الفلا حين

بلدنا بلد الفلاحين المتنورين
اللى مولدين فى باريس
مفهمش عيسى ولا حتى عويس
وادى حمادة ماشى مع الجاموسة
متقولش ماشى مع العروسة
راكب الحمار من غير غبيط
اصل رايح الغيط
رايح يفسح الجاموستين
ويفرجهم ع القرطين
ويحكى للا رض ظروفة
ويمسك الطين بخوفة
ويقول للى يشوفة
اية رايك فى المحصول
هية المية غيبها ايطول
عايز اسقى الارض
الارض فى النازل
من سنتين
عايزة كماوى والجيب خاوى
وانااجيب منين
وانا معياش اللى حق السيجارتين
الارض بتاخد ولا تد يشى
واودى القطن يقولوا
فلوس الرش مخدنهاشى
اشكى للارض ظروفى
ولا ابيع الجاموسة
عليا ديون تجيب للواحد الجنون
وعشتنا جبنة وتوم
والحلو ليمون
والنسوان فى بلدنا بيقولوا دة
حصل ودة حصل
ودة مات ودة هيموت كمان سنتين
اصل حبل الوريد بتاعة مرخى يختى حبتين
والتانية اتقولهم انا جوزى ايجيب منين
دا فرح بنتى كمان شهرين
احنا استلفنا بيدانا الا تنين
والتالتة تقولهم مساكين
يحصرهم اللى غلوا التموين
واللة ما انا عارفة يختى البلد دى بتاعت مين
ولا طبقة وسطى ولا طبقة دنيا كلنا اسفل سفلين
ولا ماسك البلد عصابة وكل اما تتذنق يحطوا قوانين
اقول اية منهم للة ايرحوا من ربنا فين
البلد انباعت والناس ضاعت وانا مش عارفة
الاقيها منين ولا منين والسبعين مليون ولا تقولوا
طبقة وسطى ولا دنيا دول كلك معتقلين دول كلك مساجين وسلامى للاستاذ جلال امين
اصل بيتكلم عن الطبقة الوسطى ونفسى اقولة كلنا متعاسين طين
ونفسى اسألة البلد رايحة فين
البلد بتموت واحنا مش حاسين
ويقولك كلة تمام وكلة ماشى حسب القوانين
اللى متفصلة تفصيل ربنا يخلى الكبير ويخلى الناس الشبعانين المليانين اللى بلعوا البلد
زى قرص الاسبرين هما ايرحوا من ربنا فين
ودة الصراحة مش كلامى دة كلام النساوين

لفت نظرى العنون جدا جدا جدا

لكن

للأسف

*************************

كنت اتمنى انى الاقى كلام غير اللى مكتوب ده خااااااااااااااالص

******************************

دمتم بحفظ الله

هى صحيح البلد رايحة فين؟
الله يقوينا على اللى جاى
شكرا ياعلاء على القصيدة اللى وصفت حالنا فكرتنى بقصيدة النمر المتخلف عن الشغل بيتخلف
............................................

ههههههههههههههههههههههههههههههههههههههههههههههه

ماشي يا انوس شكرا علي الرد

بس انتي فاكرة قصيدة النمر المتخلف بس

طيب والقطة الكبيرة مش فاكرها ولا ايه