فى كل مكان ف الدنيا كل حد علي وجه البسيطة بيبقي عنده مشاكل كتير
في مشاكل بنقدر نواجهها
وفي مشاكل بنقول ياه نفسي اخد رأي حد تاني فيها
وساعات وغالبا مش بنلاقي الحد دا
هنا كلنا مع بعض هنساعد بعض ونمد إيدينا لبعض
كل مشكلة بتقابل اي شخص فينا هي مشكلتنا كلنا هنتكلم فيها ونتناقش من غير خوف ولا خجل ولا زعل وبكل هدوء واللى يعلي صوته هنقوله شكرا بس دا مش مكان صوت عالي
كل اللى عنده مشكلة يتفضل يقولها واحنا معاه هنساعده إن شاء الملك الرحمن
كل المشاكل مطروحة للنقاش اجتماعية ، دينية ، عائلية ، تربوية ، تعليمية ، نفسية واي حاجة تاني .... ما عدا حاجة واحدة بس المشاكل العاطفية
علشان احنا مش هنعمل فيها اسامة منير هنا
تقدروا تقولوا هنعمل دكتور فيل
يبقي دلوقتى كل حاجة متاحه لينا كلنا
كمان ممكن مشكلة مش بتواجهنا لكن شايفنها حوالينا منتشرة نتكلم فيها ونتناقش علشان نوصل للصح ونحاول نحل مشاكلنا ونبص للمشكلة من كل زواياها