وكان يجي جواب
واقوله عدي
ويقولي مهم
واقوله عدي
ويقولي حرام
واقوله عدي
وف لحظه هاج وقام وقال
خد واقرا وشوف واستقرا
مكتوبلك ايه
فقلت اقرا واشوف واستقرا
مكتوبلي ايه
مكتوبلي كلمه
ومرسوملي بقره
وتحتيها ناس كتير بتحلب
والامضا واحد
مخلص وصاحب
موجود يساعد
فقالوله بره
واوعاك ف لحظه تقوللي بقره
دي بقره تايهه
واصحابها احنا
بنفك محنه
ولو فيك تساعد
ارجوك لبره
وهناك كتير من دي البقره
فصاحبنا راح وفكره ساح
وصاح يقول
ياعيني على البقره
مزفوفه بهيصه
والخوف م بكره
والجواب اللي كان يوم مهم
بقى مليان وفاضي
محتاج لقاضي يعدل مافيه
وبعديه مزين
يسهر يبين حدوده
واما يوصله يطويه ويرميه
وف لحظه هاج وقام وقال
مش برده كان جواب مهم