هل أنت فاشل ؟

هل أنت فاشل ؟

ضرب البلطجى باب المقهى برجلة فوقف جميع رواد المقهى خوفا من البلطجى إلاشاب كان يجلس وهو شارد الذهن ينظر الى كوب الشاى الذى مامه
]فاتجه اليه البلطجى واخذ كوب الشاى من امام الشاب وشربه مرة واحدة ثم القى
الكوب فارغا وقال للشاب ادفع انت بقة ثمن الشاى
]بكى الشاب بكاء مريرا البلطجى:بتعيط عشان خمسين قرش وعامل لى راجل
الشاب:انا بعيط عشان ماليش بخت فى الدنيا دى كل ماروح شغلانه افشل فيها ويطردنى صاحب الشغل اشتغلت قهوجى وقعت الشاى والطلبات على الزباين اشتغلت مكوجى حرقت هدوم الزباين اشتغلت محاسب فى شركة طلعت شركة نصب والبوليس قفلها
سافرت السعودية طلع العقد مضروب ورجعت ترحيل
رحت العراق حصل الغزو وراحت فلوسى ورجعت ماشى
بصراحة انا انسان فاشل فى كل حاجة اعملها
البلطجى : ياة دا انت فاشل خالص الشاب
امال لوعرفت اللى حصل الشهر اللى فات كنت رايح شغلانه جديدة فصحيت الصبح متأخر فنزلت بسرعه وركبت عربية جارنا اللى حاططها قدام البيت ورحت الشغل برضة متاخر
فطردنى صاحب الشغل لاستهتارى بمواعيد العمل فخرجت من الشركة فاكتشفت ان حرامى سرق العربيه فاتهمنى جارنا بسرقة العربيه وقبضوا علية واتسجنت6 شهور ولسه خارج النهاردة
]حتى الانتحار فشلت فيه
البلطجى ازاى؟
الشاب : رحت للبقال واشتريت منه اقوى سم قاتل ورحت القهوة وحطيت السم فى الشاى عشان اشربه اموت واخلص من حياتى فجيت انته وشربت الشاى بتاعى اللى فية السم

السلام عليكم ورحمه الله وبركاته
موضوع اكتر من رائع

مش معقول ايه الحظ ده

بس ياترى ايه اللى حصل للبلطجى بعد كده؟؟؟!!! scratch

حتى الانتحار فشلت فيه
هو ده نصيب كل ظالم
ادعوا لكل شباب

بس بجد قصة جميلة جدا وانهايتها فى غاية الجمال

بجد كتر خيرك هم يضحك وهم يبكي

ايه الحظ ده ده انت محظووووووووووووووظ

واضح من الكلام انه محظووووووووووووظ
بس شوية اكتئاب كدة وحتعدل معاه

قصة مؤثرة بس هو البلطجى مات ولا لأ ؟؟؟؟؟!!!!!!!!!!!!!!!!!

جميل هههههههههه
:D

ان البكتريا التى تحاصرنى اكبر واخطر من كل المضادات الحيوية

بلازميد ---بكتريولوجى بحت---عاث فى البكتريا فسادا---وتفتكر اية الفرق بين برج بيزا المائل والهرم-التعقيم فقط

ويرى المحللون الطبيون انه المسئول والمخطط الاول للعمليات التى على الساحة الان-ارجوك ان قتلتنى لا تستعمل المثقلة لانها معطوبة!!!

موضوع رائع ولكن اعتقد ان عنوان الموضع قد يكون مناسب اكثر
اذا كان
اى شىء اخر غير هذا العنوان
انت فاشل

بلازميد---عضو معنوياتة فى الحضيض

هذة قصة جميلة جدا وهل البلطجى مات ولااية

بس انا خايف ان البلطجي يكون محظوظ ويكونوا لحقوه وعملولو غسيل معده ده في حال ان كان حد بيحبه بس برضه انا شايف ان البلطجي عمل حاجه حلوه برضه انه منع واحد من الانتحار من غير ما يقصد ولا اييييييييييييييييييييه؟ والرجل ده محظوظ برده وعلي العموم كل واحد بياخد نصيبه :ضحكة: :D

سلام عليكم
على فكرة بقى انا شايفة انه فعلا محظوظ ودة بجد مش تريقة كون انه ماشربش السم ده وحده حظ كويس جدا
وأكيد ربنا هايكرمه يا جماعة عاوزين نكون متفائلين أكتر من كدة

طيب ايه اخبار البلطجي

ياترى لو البلطجى فضل عايش بعدها هيعمل ايه فى الاستاذ فاشل

اقرأوا الفاتحة ع البلطجى

:ضحكة: حلوة فعلا بس على فكرة هو كده موش يبقى فاشل لا ده محظوظ جدا.وبصفه عامه كل واحد بيعمل الى عليه فى الدنيا دى والتوفيق بيكون من عند الله وربنا يوفقنا جميعا لما يحبه ويرضاه.

ودى كانت حالت البلطجى
111