جريدة دكاترة التحاليل الطبية اليوم

السلام عليكم
اية رائيكم اننا نعملنا جريدة نكتب كلنا فية كل الى نفسنا نكتبة مثل مشاكلنا
واخبرانا وغير ذلك
كمان نتكلم عن الى الجرايد كتبتة او بتكتبة خاص بينا
انا اخترت كلمة دكاترة التحاليل لتكون اعم للناس كلها الى بيشتغلوا فى التحاليل
اخصائى -بشرى -كيميائى-بيطرى -صيدلى-فنى

ولكم خالص تحياتى

وانا معاك يا دكتور

السلام عليكم ورحمة الله بركاتة
والله فكر جداااااااااا
مشكوررررررررررررر
1جزاك الله كل خير
وعليكم السلام ورحمة الله بركاتة

فكرة هايلة..............معكم إن شاء الله..............

فى مرحلة الاعداد لمجموعة مقالات
الى جاهز بحاجة يقلها

حقيقي فكره هايله ياريت ننفذها

فى الاول احب طبعا بدون شك ان لا نغفل الكلمة المشهورة او المقولة المشهورة

وقبل كل شىء احب اشكر هذا الشخص (لان طبعا محدش منا يعرف هو مين بالضبط-اخمن انه د/ ميكانيزم لانه الوحيد الى قدر يكمل فى الموضوع ويرد ويزيد علية)وياريت ينضم لينا او يكون من المشاركيين معنا او لو حد يعرفة يوجه لة الدعوة

كلمة ذلك الراجل تناقلت فى كثير من المواقع تحت اكثر من اسم فلا اعلم هل هو نفسة ام مجرد اشخاص اخرى تقتبس

فى النهاية له منا كل تقدير واحترام وعرفان بالجميل لان هو الى فتح عنينا وعنين كثير من المهتميين بالمجال دة وشرح كل حاجة ولم يدع مجال للشك فى اى معلومة

فاسمحولى ان ارفع لة القبعه

نخش فى الموضوع

هذة الكلمه

كانت لام تحت عنوان

لكل الى عايز يفتح معمل تحاليل

القول المختصر لترخيص المختبر

واحنا

هنسميها

كلمه دكتور المعمل المشهورة

سأتولى بإذن الله شرح خطوات مزاولة المهنة وعمل الدبلومات .. إلخ لانه قد أثير لغط كبير حول الموضوع وأثمرت الأقاويل عن تخرصات عشوائية وتكهنات لا طائل منها..

بس لازم أقول حاجة مهمة جدا جدا وأسأل سؤال مهم :

س / هل من حقي أن أفتح معمل ؟ وأكتب عليه اسمي ؟ وابقى دكتور تحاليل؟

هذا يقودنا إلى سؤال سؤال هام جدا : يعني قانونا هل المعمل ده من حقي ؟

* القانون المصري لسنة 54 لم يفرق في ممارسة مهنة التحاليل الطبية بين الكيميائي والصيدلي والطبيب .. إلخ بل هذا الحق يتساوى فيه جميع الخريجيين طالما قد استوفوا شهادات التخصص المطلوبة، واعتبره القانون المصري حق مكتسب ومشروع للجميع واعتبر مهنة التحاليل الطبية مهنة منفصلة عن باقي التخصصات الطبية الأخرى.

* هذا القانون معمول به في كثير من الدول العربية مثل تونس – سوريا وجميع دول العالم الأول مثل : أمريكا – كندا – فرنسا – ألمانيا – بريطانيا .. إلخ

* إن أقدر وأكفأ من يتعامل مع أجهزة التحليل الكيميائي كالأسبكتروفوتوميتر أو الفصل الكروموتوجرافي أو التحضير الكيميائي للعينات الكيميائية أو الإلمام بالتقنيات الكيميائية في التحليل الكيميائي أو العضوي مثل التحليل التربيديمتري أو الكلاريمتري أو الجرافيميتري هم الكيميائيون والبيطريون والصيادلة بحكم طبيعة الدراسة .

* المسألة تتلخص في تحليل عينة فقط فالجميع من أطباء أوغيرهم - رسميا - غير مطالبين : لا بتشخيص سريري – ولا بربط النتائج – ولا بكتابة علاج - أو تفسير نتيجة !!!

حتى سحب بعض العينات قد يخرج عن نطاق تخصصك!! مثل عينات الدم للمولودين حديثا (تعرض على أخصائي الأطفال) – عينات فحص الأورام ( أخصائي الباثولوجي) – عينات البذل النخاعي (التخدير أو الحميات)

* للأسف يروج بعض الأطباء في أحقيتهم وإلغاء أحقية الباقيين في ممارسة المهنة ويضعون العراقيل ويحاربون بشتى السبل من أجل ضع قصور على الباقيين في ممارسة المهنة، ويضغطون على وزير الصحة من أجل رفض إعطاء الترخيص والتحايل على القانون (الصريح)، ولي عنق الحقائق ، واتباع مبدأ "بروكر استيز" الذي كان يقطع أرجل ضيوفه لتناسب طول السرير الذي سينامون عليه !!! ويتفنون في وضع العراقيل لمنعنا من ممارسة المهنة مثل إجبارنا على رفع القضية وخلافه ؟؟؟ وكتابة عبارات في الصحف بغرض الإثارة : " تضافروا لقصر المهنة على الأطباء" أو من يكتب : " فوضى التحاليل الطبية"

سؤال فرعي / ما هي آخر صيحة في وضع القصور للمزاولة؟

(1) التصريح يكون بالماسترية لا بالدبلوم
(2) العمل في المستشفى مدة 3 سنوات
(3) ضرورة كتابة التخصص الحقيقي : صيدلي / بيطري / كيميائي .. إلخ على لافتة المعمل و على التقرير، كما تكتب بجواره : "الكيمياء الحيوية الصيدلية" أو "الميكروبيولجيا البيطرية".. إلخ
(4) إجبارك على ممارسة التحاليل التي قد تخصصت فيها ، وهذه قصة طويييييييييييييلة جدا

لكن هذه القصور غير معمول بها الآن ولله الحمد ، بل يريدون تنفيذها !!

* لقد خسرت نقابة الأطباء القضية المرفوعة ضدنا لمزاولة المهنة وأمام مجلس الشعب قوبل طلبهم بالرفض عام 94 بعد أن أستماتوا في تقديمه ومازالوا، هنا أعيد الحق لأصحابه ، لكن هناك من يعبثون بشد ذيل القط النائم من آن لآخر ، والذين يريدون الحصول على شعرة من شنب الغول الأسود وهو غافي !!

* الخلاصة .. التحاليل الطبية لا تعتمد على التشخيص السريري .. أنك - في المعمل - تتعامل مع عينة لا مع مريض ، وأنك الأكفأ والأجدر مقارنة بما هو مطلوب ، أنت تشخص فقط تشخيصا طبيا معمليا لا سريريا ولا تعتمد على الحالة الإكلينيكية في التحليل ، لكنها تؤخذ في الإعتبار ، وأكرر تؤخذ في الإعتبار.

إن ممارسة التحاليل الطبية حقك ..

* في دول العالم الأول يتساوى الصيادلة مع الكيميائيين مع الأطباء مع البيطريين في الحصول على المناصب ، ومعروف أن رئيس الإتحاد الدولي للتحاليل الطبية صيدلي ويتناوب على رئاسة المنصب بيطريين وأطباء وكيميائيين وصيادلة.كما يتولى إدارة بعض معامل البرج المصرية أوالعربية بجانب الأطباء .. صيادلة وكيميائيين أيضا.

* وجدير بالذكر - ومعلومة لمن لا يعلم - أن من أبرز مؤسسي بعض أقسام التحاليل الباثولوجيا الإكلينيكية بكليات الطب العريقة هم أساتذه صيادلة وبيطريين وكيميائيين في علوم الميكروبيولجي والبيوكمستري !!!

حاشية : أنا لا أتحامل على الأطباء .. حاشا !!! فكثير منهم الزميل والقريب والصديق والأخ والأب (والله)، وأنا مؤمن بدورهم الفعال في المجتمع تمام الإيمان ، ومتيقن من عظم وتفعيل دور الطبيب في النهوض بمستوى الطب وأنه ملقى على عاتقه يمكن أكثر من 90% من مجمل الخدمات الطبية التي تقدم للمجتمع والأبحاث والوعي الصحي .. إلخ ، وده لو كان موضوع تعبير كنت كتبت 6 ورقات فلوسكاب وش وضهر !!! وإن كنت قد جرحت مشاعر أو آذيت أي من أخوتي الأطباء فأنا على اتم أستعداد أن أقدم له اعتذاراً فقط لمجرد أن يبدي سبباً ، وحقيقي .. حينما يتعلق الأمر بحق شرعي ورسمي وقانوني فمن كل المشروعية أن أدفع عنه وأطالب به ... ارجو من الجميع مشاركتي الرأي وإبداء ملاحظتهم بالتواصل الإلكتروني معي ..

ركزوا معايا يا جماعة .. وفنجلوا عنيكوا و طرطقوا ودانكوا

عشان أنت كصيدلي تفتح معمل بإسمك لازم تعمل الخطوات الآتية:

(1) أن تحصل على أحد أو جميع شهادات الدبلوم في الآتي :

+ دبلوم الميكروبيولجي العامة أو التطبيقية أو الإكلينيكية أو الماسترية (ماجستير) في نفس التخصص برضه أو على :

+ دبلوم البكتيريولوجيا العامة أو الإكلينيكية أو على:

+ دبلوم الكيمياء الحيوية التحليلية أو الإكلينيكية أو الماسترية فيها

(2) ح تاخد من النقابة درجة : أخصائي تحاليل طبية

ثم تأخذ التصريح من وزارة الصحة ويستغرق أشهر حسب دورك و العدد .. إلخ بس ح يكتبولك في التصريح عبار ": مع عدم التشخيص الطبي المعملي" يعني المعمل ح تبقى أنت مديره لكن مش صاحبه ؟؟؟ هههههههه

، ولن يسمح لك بوضع لافتة عليه ؟؟؟؟ ههههههههه
ولن يسمح لك بكتابة اسمك على التقرير ؟؟؟؟ هههههههه
ولن يسمح لك بأن تمضي على نتائج التحليل ؟؟؟؟ ههههههههه
إذن فبهذا التصريح ح تبقى كوكتيل ومزيج فريد من دكتور التحاليل وفني المعمل !!

(3) ح ترفع قضية وتقعد حوالي سنة ب 1000 ألف جنية بس عند محامي مشهور (تفاصيل الموضوع عندي .. ولما الوضوع يطق ف دماغ أي عضو يبقى يكلمني)
وح تكسبها .. ح تكسبها .. ومضمونة 100% (لأن ده حقك كصيدلي) .. المهم بعد لما تكسبها ح تبقى دكتور تحاليل فعلا .. وهنايسقط الفرق (عمليا) بينك وبين الطبيب الأخصائي !!

++ ملاحظة لا معنى لها ولابد منها !! : الفرق الرسمي (واخد بالك من الرسمي دي؟) بينك وبين الطبيب أنك لو خدت الدبلومتين الميكرو + البيو ح يبقى في سحب العينات فقط .. يعني لازم ح تجيب ورقة من دكتور طبيب أنه المسئول عن السحب في المعمل بتاعك ، وأنت اللي ح تسحب العينات برضه.. يعني عمليا مفيش فرق !!! وإحقاقا للحق .. ان هذا هو الفرق الرسمي الوحيد بين الطبيب وغيره في ممارسة المهنة

+ أسئلة ع السريع باختصار (مجاب عنها ) :
س 1 : إيه لزوم القضية طالما إن الموضوع من حقي وكده كده ح أكسبها ؟؟؟؟؟؟؟؟؟؟؟؟
ج 1 / إحنا في مصر !

س 2 : لأ بجد .. عاوز أعرف إيه لزومها؟

ج 2 / عشان يخوفك ويوهمك إن دي حاجة مش بتاعتك فتقوم جاي مطنش وتقول لنفسك في سذاجة: طالما أنه مش مسموح لي تبقى مش بتاعتي؟؟؟؟؟ في حين أنه حقك ودي لعبة "الحق يغتصب" .. نقطة تانية هي نوع من أنواع كوابح السيارات والفرامل عشان متكترش المعامل زي الأجزاخانات ! ويبقى بين كل معمل ومعمل مختبر !!

س3: إيه أفضل وأسرع شهادة لفتح المعمل (يعني م الآخر .. عاوز أنجز )؟؟؟؟؟
ج 3 / دبلوم ميكروبيولجي أو بيوكمستري وأنا بفضل الأخير ومدته سنه بس لكني أنصحك بال 2 .

س 4 : الليلة دي ح تكلف كام؟
ج 4 / الدبلوما تمنها تبع المكان (متوسط كله 2000 + 1000 القضية)

س 5 : طيب أخدها من أي جامعة أو من أي كلية ؟
س 5 : صراحة .. اشهر ناس شغالين في الحكاية دي كليات العلوم ..
عندك في صيدلة : المنصورة - الزقازيق - الإسماعيلية - عين شمس (بيخرجوا أعداد قليلة
عندك في علوم : اسكندرية (أشهر دبلومة تحاليل في الجمهورية وبتخرج كل سنة 700 أخصائي) - شبين الكوم ( بدأت تشتهر برضه بتخرج حوالي 700 ) - الإسماعيلية ( بتخرج حوالي 1000 أخصائي

عندك بيطري : مشتهر / اللي جنب بنها ( تنافس الأسكندرية وبتخرج حوالي 1000 أخصائي على ما اسمع ) - المنصورة (مبتعديش ال 50 في أي كلية) بس (علوم بكتيريا ممكن تعدي ال 80)

والموضوع ده فيه تفاصيييل تانية كتيرة وممكن أجاوب بالتفصييييييييييييييل الممل للي عايز

س 6 : طيب إيه أرخصهم وأسهلهم؟ ويديلي الشهادة ع السربع ؟؟
ج 6 / * احذر هؤلاء : المنصورة (معقدين أوي ) - عين شمس (ناشفة؟)
* تحاشى هؤلاء : مشتهر لاناللي بيدخل ما بيطلعش إلا فيما ندر - شبين (مهرها غالي 2500 ) - طنطا( !بيقولوا صعبة ومش عاطفية
* ارشح لك دول : الزقازيق و الإسماعيلية (باشا !!) - اسكندرية (شغالة ومانجه) – شبين (مووووووووووز / بس غالية) - بنها ( وأنت واقف!!!)

س 7 : طيب لو أنا (بالي طويل) وعاوز أبقى كفاءة في التحاليل وافتح جنب معمل البرج؟ !!!!
ج 7 / دبلوم ميكرو + ماستر أو دكتوراه في البيو ( أو العكس لكني أفضل كده)

س 8 : طب و الليلة دي ح تستهلكني في كام سنة؟؟؟؟
ج 8 / لو أنت بيدعولك في البيت كويس ح تقعد من 8 -9 سنين

س 9 :( للمحترفين فقط) : طيب لو أنا عاوز آخد جايزة نوبل في التحاليل أو كأس العالم ؟!!!!!!!!
ج 9 / دبلوم ميكرو + دبلوم بيو + دكتوراه في المناعة
ملاحظة : اعرف دكتور معاه كل دول .. واعرف دكتور تاني معاه دكتوراه الفلسفة في الميكرو + دكتوراه البيوكمستري وكاتب على المعمل :" معمل الدكاتره فلان الفلاني " وع التقرير كاتب :" الدكتور الدكتور" - فعلا بتاعة شهادات !!

س 10: ممكن أعرف إيه حكاية المناعة دي بقى؟؟
ج 10 / معهد البحوث الطبية / اسكندرية بيدي ماسترية للصيادلة في المناعة لكن بيطلب تقدير وبياخد بالعدد (بيطلبوا 2 من صيدلة بس ) يعني الموضوع ممكن يفرقع منك – وبيطلب برضه 2 أطباء – و6 كيميائيين .. تحيز؟
أو عندك معهد بحوث الهندسة الورائية / السادات وده بياخد كله .. ورخيييييص 400 في السنة ومفيش تمهيدي ماجستير .. يعني رسالة على طول + كورسات / سنتين وده بيدي دبلوم أو ماسترية أو دكتوراه أو دكتوراه الفلسفة في المناعة الجزيئية

س 11 / مين تاني ممكن يفتح معمل ؟
الزراعيين – الكيميائيين – الصيادلة - البيطريين – الأطباء
وجميعهم لابد لممارسة المهنة من الحصول على دبلوم أو الماسترية أو الدكتوراه في التحاليل
وجميعهم يأخذ درجة : " أخصائي تحليل طبية"

س 12 : فيه ملاحظات تانية ؟

[img:d8a1]http://www.sayadla.com/vb/images/smilies/smallsmiles/36_11_20[1][1].gif[/img:d8a1]

عن كيفية استخراج التصريح .. شوف يا سيدي .. بعد لما ربنا يكرمك وتاخد الدبلوما – وتسقى الحبايب الحاجة الساقعة – ح تحضر الأوراق دي :

أصل وصور شهادة البكالوريوس عدد 2 أصل + شهادة تقديرات + الموقف من التجنيد + صور شخصية على قد ما تقدرحوالي دستة + شهادة قيد من النقابة – يفضل من النقابة في القاهرة علشان الوقت - أنك " أخصائي تحاليل طبية " (على فكرة .. ممكن تغيرها في كارنيه النقابة وممكن في البطاقة برضه) + 2 دوسيه بلاستيك أي لون أنت بتحبه (ممكن الأخضر عشان أنا بموت فيه !! وده زي ما أنت شايف مبرر كافي لأنك تجيبه!!!) + فيش موجه لوزارة الصحة والسكان لاستخراج مزاولة مهنة .. قشطة؟
+ ح تروح وزارة الصحة قسم تراخيص معامل التحاليل – على إيدك الشمال وأنت داخل – وتقدم الدوسيه .. ح تقعد من شهرين إلى 4 أشهر في انتظار الترخيص .. ولما يشرف البيه (أقصد ورقة التصريح) ح يكتبولك فيه .. كلام .. كلام .. كلام .. وعبارة جهنمية .. ألمعية لوذعية ، قد لا تخطر على بال إبليس نفسه حال وجوده في سقر، تقول :" مع عدم التشخيص الطبي المعملي". هنا ح يجبرك أنك ترفع القضية لأن التصريح ده– لم تدرج حيثياته ضمن آليات التفعيل !!! – طبعا فهمت قصدي لأن الكلام واضح ومفهوم ؟؟
+ ح تكلم المحامي المشهور وهو ح يقولك تعمل إيه، واسمه ....... وده تليفونه ....... وهو الوحيد – على حد علمي اللي شغال في الموضوع ده – على فكرة حذفت اسمه كيما لا تكون هذه من باب الدعاية له .. عموما ابقى سيب لي ايميلك، وأنا ح أظبطك.... موز؟
وتقبل فائق التحايا وأعطرها وأزكاها .. دمت في ود !!

عن تحضير الماسترية والدكتوراه (صح؟) .. هذا يعتمد على تخصصك وعلى مكان تسجيلك وعلى الدرجة نفسها .. إزاي يعني .. ركزي معايا
+ لو أنت معاك أي دبلوما سواء الميكرو أو البيو (مدة كل واحدة سنة) وعاوزة تكملي مثلا ماسترية في البيو .. لازم تسجلي سنة تمهيدي ماجستير (وهي كورسات كلها نظري حوالي من 12- 14 كورس طبعا تبع مكان الكلية) ، وبعد النجاح ح تسجلي الرسالة في موضوع يختاره لك استاذك المشرف ، بالتعاون مع بعض الأستاذة المشرفين أو المدرسين ، ثم تقومي بتجميع داتا تختص بالموضوع من النت ، وبعدها تشتغلي العملي ، وبعد الإنتهاء ح تكتبي الرسالة وتناقشيها وده بيختلف من شخص لآخر ، بس متوسط من 2-4 سنة .. ممكن تزيد ممكن تقل ، أما الدكتوراه ف ح تبقى رسالة فقط ودي مدتها من 3-4 سنين .. وطبعا مسألة إعداد رسالة ماجستير أو دكتوراه لا تأخذ شرح أسطر .. لو عاوزه تفاصيل اكثر ممكن تسيبي ايميلك .. اتفقنا؟
وتقبلي فائق التحايا وأعطرها وأزكاها .. دمتِ في ود !!

+ بالنسبة للترقيات والأفضلية لحملة الدبلومات .. بصراحة .. المكان الوحيد في مصر الذي يعترف بالدبلوما هو وزارة الصحة ؟؟ يعني الأفضل طبعا الماسترية سواء البيو أو الميكرو في الخارج أو الداخل، هذا في حالة التوظيف الحكومي ؟؟ كمان صعب إنك تشغلي درجة :"أخصائية تحاليل طبية" جوه أو بره (بقول صعب إنما مش مستحيل)؟؟ يعني لن تتساوي بالطبيبة لا في الدرجة ولا في المعاملة ولا في المرتب ؟؟ ولو ح تشتغلي في معمل تحاليل كبير زي ال.... أو معمل ال ..... (تم الحذف لعدم الدعايا !!) وح تدخلي كادر كيميائيين مش أطباء، حتى بالدبلوما .. حتى وأنت أخصائية .. حتى وأنت ماستر (بالشفا!!)، إنما لو خدت الدكتوراه هنا ممكن تملي عليهم شروطك ، ويطلبون منك ابرام الصلح واجراء المفاوضات !!!
+بس عاوز أقولك يا (نونا) أو (نونة)، إن الدبلوما ح تميزك ، عن زميلتك الصيدلانية في أحقيتك لفتح المعمل ، والدرجة الطبية فقط لأنك ح تبقي أعلى درجة منها، ولو هناك استفسار عندك ايميلي. + بالنسبة لموضوع الدفاع عن فلسطين ، بصراحة صعب أدافع عن فلسطين في منتدى للصيادلة يناقش قضايا قراءة الروشتات الطبية وربورتات التحاليل! وإلا حتقولوا :" هو إيه اللي جاب يوم التلات في وسط الجمعة؟!" لكن الأكثر تظرفا ح يقولوا :" إيه اللي جاب ورك الفرخة للكومودينو؟!" .. ويكفيكي قولي (من البسيط):

وكم نناجي الهوى كيما يناجينا وهل يناجي الهوى إلا فلسطينا؟!

وتقبلي فائق التحايا وأعطرها وأزكاها .. دمتِ في ود !!

ح اسيبكم دلوقتي تاخدوا أجازة شوية مني، على وعد بالعودة في أقرب وقت لإستناف مقالي الأول ..

وتقبلوا فائق التحايا وأعطرها وأزكاها .. دمتم في ود !!

اخبار فى سطور

تسمم191 من المعتكفيين فى جامع عمرو بن عاص
تسمم حوالى 191 من المعتكفيين بجامع عمرو بن العاص وذلك بعد تنازلهم لوجبة على الفطار عبارة عن فصوليا (الكل يحذر الفصوليا)كانت مش تمام
وتم نقلهم على الفور الى مستشفيات الدمرداش والقصر العينى والمنيرة
وتم التحفظ على المكان الذى يتم عمل بة الوجبات
والحمد لله كلهم الان بخير بعد غسيل المعدة

جعله الله فى ميزان حسناتهم

كان ذلك يوم24 رمضان

فى يوم 26 ليلة 27
كان هناك اكثر من 5 مليون شخص
لاقامة ليلة القدر
ياترى هى يوم كام

تقبل الله منا ومنهم

--وزارة جديدة للعلوم والتكنولوجيا
نمت الى مصادرنا انه هناك مشروع بصدد انشاء وزارة جديدة للعلوم والتكنولوجيا
وبذلك سيتم فصل وزارة البحث العلمى عن وزارة التعليم العالى
يا مسهل
هنبقى زى ماليزيا
والدول الجامدة التانية
زى منيا القمح
وزمبابوى
وكولا لمبور
وبركينا

شكرا لك

شكرا للادرارة على سرعة تنفيذ اقتراح الدكتور ايهاب بخصوص عمل قسم منفصل واسمتة الجريدة العلمية

ان شاء الله خير

شكرا لادارة المنتدي علي الاستجابة علي الاقتراح بالنسبة للجريدة العلمية
ارجو ان تكون داخل الجريدة ملخص عن بحث مميز في اي مجال من مجالات التحاليل المختلفة
جهاز جديد نزل في السوق او الخارج
اهم الكيتسات الجديدة والهامة في مجال التحاليل الطبية سواء للابحاث او غير الابحاث
اهم المشكلات التي تواجة الزملاء اثناء الحصول علي الترخيص
بحث جديد سواء من المركز القومي او من اي كلية من الكليات (علوم-صيدلة-بيطري-زراعة)
باب يقدم اهم الخدمات والتهاني بمناسبة الحصول علي (البكالوريوس-الدبلومة- الماجستير-الداكتوراة
استاذ مساعد- استاذ - رئيس قسم - وكيل كلية - عميد - نائب وكيل جامعة - رئيس جامعة )
بشرط ان يكون من خريجي الكليات اللي مكتوبة اعلي وان يكون في مجال التحاليل الطبية فقط
ام المشكلات في صيانة الاجهزة في المعامل وماذا يحدث لوحدث خلل
كفاءة الجودة في التحاليل والمعايير الخاصة بها
المقارنة بين نتائج التحاليل بين المعامل وماهو مسموح به
الي غير كثير من الوضوعات مثل قانون الجامعة الجديد
البعثات والاشراف المشترك والداخلي
المنح الخاصة والمشاركات
ايجاد باب به وظائف لاعضاء المنتدي سواء داخل او خارج مصر
وضع اهم الكتب واسمائها المستخدمة في مراحل الدراسة المختلفة (بكالوريوس-دبلومة - ماجستير - دكتوراة)
الانشطة الثقافية والهوايات والرحلات وايجاد الوسائل المنظمة لذلك
المعارض التي تقدم الخدمات باسعار مناسبة سواء بالقسط او الدفع الفوري
الاسكان ومشاكله وايجادشقة بسعر مناسب
العلاج والتامين الصحي
الرياضة واهميتها للجسم
الموسيقي والرسم والفن لمن لديه الموهبة
الي غير دلك من الواضيع ممكن عمل ابواب ثابتة او متغيرة
بريد القراء
المخترعات والمكتشفات ومساعدة الباحث او الشخص في التعريف بمنتجه
ممكن ان تضيفوا اشياء اخري كثيرة
بحيث لايكرر الموضوع داخل المنتدي في اي مجلد من المنتدي
شكرا لكم