اخبار مادة كيمياء المناعة مجموعة أ

مشكور
دكتور محمد
ولما تبقي الدراسه تبدا بلغنا

ميرسي دكتور احمد
انت عامل ايه

ده اكيد طبعا

بعد اذنكم يا جماعة انا فكرت فى فكرة ارجو انكم توافقوا عليها وهى : ان احنا نكتب النقط الرئيسية اللى اتشرحت فى كل محاضرة علشان فى اخر السنة نكون عارفين اية اللى اتشرح واية اللى الدكتور مهتمش بية وبكدة نتجنب اللخبطة اللى بتحصل وقت الامتحان ناس تقول دى علينا وناس تقول لا وكمان هيفيدنا ان كل واحد من الناس اللى مش بتقدر تحضر بانتظام تقدر تتابع وتعرف كل مادة وصلت لحد فين فى الشرح . انتهت الفكرة وارجو انى اسمع رايكم فيها

بالنسبة لدكتور طارق دخل يوم الاحد وانا اسف جدا يا جماعة على التاخير انا اتاخرت يومها فى المواصلات وما قدرتش احضر المحاضرة وعلشان كدة حضرتها فى مجموعة ب والدكتور طارق اتكلم فى المحاضرة دى عن النظام المناعى وتركيبة والعقد الليمفاوية والسائل الليمفاوى وانواع المناعة وشرح منها المناعة الطبيعية فقط وانواع الغزاة (وهى اى جسم غريب او مادة تدخل الى الجسم

والدكتور ايضا اتكلم عن اعمال السنة وقال ان اعمال السنة هتتاخد على الغياب وهى 120/300 درجة من المادة لان امتحان اعمال السنة بيتغش والشيت بيتنقل فلقى ان مفيش حل غير الغياب والكتاب العملى والنظرى هيبقوا فى مذكرة واحدة لان العملى حوالى عشر ورقات تقريبا وتمنة 60 جنية والحجز مع استاذ عاطف وعلى فكرة يا جماعة استاذ عاطف دخل يوم التلات فى مجموعة ب وفال ان حجز الاربع مواد : المناعة و الهرمونات وعلم الدم والبيولوجيا الجزيئية هيكون معاة وتمنهم كلهم نظرى وعملى 174 جنية وانا اسف على التاخير كمان مرة

نسيت اقولكم ان الدكتور طارق قال ان الامتحان النهائى هيكون اختيارى يعنى m.c.q

شكرا يا دكتور
mahmoud elbanna
على المجهود الكبير
جزاك الله خيراااا

الف شكر على المجهود المبذول وعلى روح التعاون وأرجو ان تسجيل محاضرات الأسبوع اللى جاى تنزل لأنى مسافرة ومش هقدرأحضرها وان شاء الله من الأسبوع اللى بعده أكون مصدر للمعلومات مش مستقبل وبس وشكرا للجميع

الف شكر للدكتور احمد والدكتور محمد واتمنى ان تستمر روح التعاون بيننا لتحقيق اعلى استفادة كما اتمنى عدم التشتت بمعنى ان تتم مناقشة كل ما يخص المواد فى اماكنها وعدم عمل موضوعات جديدة لكل مادة
هناك نقطة اود اخذ راى الاخوة الزملاء فيها وهى تتلخص فى الاتى
تعلمون حضراتكم اننا او معظمنا يعمل فى القطاع الخاص والحضور المكثف اعتقد انه صعب فهل نستطيع ان نكلم اساتذتنا لتبسيط الامر قليلا ام ماذا ترون فالامر شورى
تقبلوا تحياتى

ربنا يوفق الجميع

ياريت يا شباب نكلم الدكتور طارق على موضوع الغياب اللى هيعمل عليه أعمال السنه لآن أغلبيتنا فعلا مش هيقدر يحضر بانتظام علشان الشغل زى ما الدكتور محمود حسن بيقول ..

اولا يا جماعة اعتقد ان كلنا عارفين ان فية ناس كتير بتكتب اسماء اصحابهم اللى مش موجودين يعنى لو حاضر 300 هتلاقى مكتوب فى الغياب 500 والدكتور طارق نفسة عارف الموضوع دة لان فى واحد من مجموعة ب قالة على الموضوع دة فالدكتور سكت وماردش واعتقد ان الهدف الاساسى من موضوع الغياب دة هوة ان يكون فية ناس كتير تحضر لان الدكتور مش هيعد مين موجود و مين مش موجود فى الغياب ولا اية رايكم؟

بالنسبة للمحاضرة الدكتور طارق لخص المحاضرة اللى فاتت وشرح الابيتوب والبلعمة والمناعة المكتسبة وخصائصها وكيفية عمله وانواع الخلايا الليمفاوية ومجموعات التمايز وفال ان المرة اللى جاية مفيش محاضرة ولذلك تم تقديم محاضرة الهورمونات وهتكون الساعة 10الاسبوع القادم ان شاء اللة

الرابط لا يفتح عندى

اخواني
كتيب مادة المناعة تم طبعة ويتم حاليا توزيعه
الكتاب عبارة جزئين في بعض الجزء الاول عبارة عن المنهج
الجزء الثاني عبارة عن العملي
ورفق مع شيت لونه اصفر خاص بامتحان ميد ترم
بعون الله يكون الكتاب لغته سهله ونرجو من الله ان نستفيد منه
ويكون به معلومات جيدة ومفيده
والاهم ان نهضمه ونفهم ما به

وباقي الكتب لسة تحت الطبع

ملحوظة
الكتب بسعر 174 جنية لكل المواد
ممكن الحجز في الدور الخامس بالمعامل لقسم الحيوان
مكتب أ/ عاطف
بصراحة الراجل بينزل بنفسه في المدرج لتحصيل الفلوس
وانا اليوم اخذت الكتيب من مكتبه


نسأل الله التوفيق الى ما يحبه ويرضاه
واتمنى لكم دوام التوفيق

جزاك الله خيرا دكتور مصطفى

شكرا ليك على المعلومات الجميلة دى
وربنا بوفقنا جميعا

شكراااااااااا على المجهود الرائع

هو الارابط بيفتح ولا اية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شكرا دكتور مصطفي

كان فى اقيراح عن تسجيل المحاضرات وتنزيلها على المنتدى ايه اللى حصل فى الاقتراح ده

هو الاقتراح موجود يادكتورة بس المهم موافقة الدكتور طارق

السلام عليكم يا جماعة لو حد حضر امبارح لدكتور طارق ياريت يقولى لو فية حاجة مهمة بخصوص المحاضرة لانى محضرتش وكمان محاضرة علم الدم

طيب ده بالنسبه للمناعه وباقى المواد

شكرا دكتورة زينب
وياريت تفيدينا اكتر بالمحاضرة
وكمان تكونى مشكورة جدا لو سردتى المحاضرات من اول محاضرة
بمعنى انها تكون سلسة ورا بعض عشان كده هيكون افضل واسهل لينا
وشكرا