طلب اتمنى تحقيقه ...خاص بدفعة(2007-2008)

أرجو من الأخوة الزملاء توفير المحاضرات على ملفات صوت
إذا أمكنهم ذلك لأنها تساعدنى على استرجاع المحاضرات
بشكل صحيح وكذلك فهمها

وانا معاك فى هذا الراى

وانا كمان

ياريت والله ودة يبقي شئ جميل

وأنا معاكم

اعتقد كلنا موافقين والفكره جميله

بس فين؟؟؟؟؟؟ المتضايق

~~دى أمنيه حياتى~~

وانا والله معاكم بس ازاى نعرف نسجلها اصلا انا نفسى بس حد يعلمنى وانا ممكن اتبرع

السلام عليكم
اولا بالنسبه لتسجيل المحاضرات فى دكاترة رافضه اننا نسجل لها
ثانيا الذى يريد اسئله عن المحاضرات ممكن يكتب و احنا نجواب

حسام ابو السادات اخبارك ايه

yasmin85 كتب:: وانا والله معاكم بس ازاى نعرف نسجلها اصلا انا نفسى بس حد يعلمنى وانا ممكن اتبرع

~~اول مره اعرف ان فى حد مبيعرفش يسجل !!!~~

Hossam Hamed Alazzamy كتب:: السلام عليكم
اولا بالنسبه لتسجيل المحاضرات فى دكاترة رافضه اننا نسجل لها
ثانيا الذى يريد اسئله عن المحاضرات ممكن يكتب و احنا نجواب

~~رافضه ليه هى اسرار حربيه !!! ماحنا اشترينا الكتب ودفعنا كام الف مصاريف~~

ايه المشكله فى كده هو ده عيب ولا حاجه

انا عرضت على الدكاترة اننا نسجل المحاضرات لكن رفضوا
بس ياريت لو حد تانى يقدر يحاول معاهم
وكان سبب رفض بعضهم عشان التسجيل بيكتف الدكتور ف الكلام
بس مع احترامى لرأى الجميع ان فى ناشس فى كليات طب بيسجلو لدكاترتهم على مستوى الجمهورية ومحدش اتكلم معاهم
ياريت نكلمهم تانى وان شاء الله هيوافقو
ولو ده تم هاكون باذن الله اول واحد منزللكو المحاضرات ان شاء الله
ولو حد عاوز اى استفسار يبعتلى

Dr. Ahmed wagih كتب:: انا عرضت على الدكاترة اننا نسجل المحاضرات لكن رفضوا
بس ياريت لو حد تانى يقدر يحاول معاهم
وكان سبب رفض بعضهم عشان التسجيل بيكتف الدكتور ف الكلام
بس مع احترامى لرأى الجميع ان فى ناشس فى كليات طب بيسجلو لدكاترتهم على مستوى الجمهورية ومحدش اتكلم معاهم
ياريت نكلمهم تانى وان شاء الله هيوافقو
ولو ده تم هاكون باذن الله اول واحد منزللكو المحاضرات ان شاء الله
ولو حد عاوز اى استفسار يبعتلى

أنا عندي استفسار....ليه كل خرابه يطلعلنا فيها عفريت؟؟ هو فين الحريه والديمقراطيه؟؟ هل الحريه في الافلام والاغانى واللبس فقط؟؟؟ ده علم يا جماعه ومينفعش دكتور يحوش علمه عن الناس وبردو انتو نسيتو حاجه مهمه وهى الفلوس الكتير اللى بندفعها بدون أي داعي ...اشمعنه الصيدلى بيفتح صيدليه بدون دبلومه واشمعنه الطبيب بيفتح عياده بدون دبلومه وانا ليه ادفع عشان افتح معمل انا اللى هجهزه ومش هبقه مليونيره يعنى لانه مش مشروع استثمارى ده مجرد مجالى وانا بحبه وعايزه ابتكر واكمل فيه وبردو مستغربه الفلوس دى كلها بندفعها ليه؟؟؟ وأسافر كل ده عشان احضر ولما اعوز اصلى ملقاش حته اصللى فيها او الاقى المصلى قدام الحمام وريحته تقرف وعباره عن حاجه خشب متنفعش كلبه تدخلها واحضر عملى عشان فى الاخر ممتحنش فيه طب بحضره ليه؟؟؟؟ واشتري كتاب عشان شيت اصفره ولا احمره ولا بمبى يضمنلى النجاح فى الماده ما العلم موجود فى كل حته على النت وفى المراجع هو الدكتور اخترع الماده بتاعته ولا الكتاب اللى عمله ده جاب معلوماته منين مش من مصادر اخرى بردو؟؟
وعموما ربنا يخليلنا الدكتوره ناديه والدكتور احمد وباقى الدكاتره زمايلنا اللى حاسين بمشكلتنا ومش بيبخلو علينا بأي معلومه وانا عن نفسى بدعيلهم فى كل صلاه

السلام عليكم ورحمه الله وبركاته
دكتور amiralda
بصراحه كلامك جه على الجرح
فعلا والله عندك حق
خصوصا موضوع المصلى ده :D
بس بصراحه بعد كلامك ده حسيت اد ايه انا سلبيه
لاننا ما فكرناش نوصل شكوتنا لاي حد من المسئولين في الكليه
حتى لو مش هيعملوا حاجه
بس نبقى عملنا اللي علينا

دكتورة amiralda
يا ريت تخلي الخط عادي مش عليه خط لاني قريت الكلام بصعوبه وتعبلي عيني
ولكي جزيل الشكر

اه ياريت تشيل الخط من علي الكلام

دكتور اميرالدا
بالنسبه للاستفسار انا هعتبر اني مشوفتوش عشان مردش عليه
اما بالنسبه لسؤالك الازلي عن الحريه والديموقراطيه فهي موجودة في قلوبنا وكفايه قوي علينا كده
بالنسبه للدكاترة اعتقد انه من ابسط حقوقهم انهم يحتفظو بعلمهم ده للتعليم وبس ومش للتسجيل
انا مش بقول اني مش مع تسجيل المحاضرات وتوزيعها هنا بس اللي عايز اقوله انه اذا الدكتور وافق علي تسجيل المحاضرات تاني يوم هيلاقيها موجودة علي اسطوانات في مكتبه فلان ومكتبه علان بمبلغ كذا
بالنسبه للفلوس اللي اتدفعت اعتقد انك كنتي عارفه ان المصاريف في شبيبن مش قليله ومع ذلك دخلتي هناك وسجلتي فيها
اما بالنسبه لموضوع الدبلومة ده مش مطبق علينا احنا بس
الطبيب اذا حب يفتح معمل لازم ياخد الدبلومة دي او ما شابه
واذا حب يفتح عياده بيحضر ماجيستير عشان يقدر يرخص العياده
والصيدلي برضه لازم يتمرمط سنه في الصيدليات سنه علي الاقل عشان يقدر يكون كفاءة لانه يفتح صيدليه
ودة اساسا مش موضوعنا
اللي عايز اقوله وبكرره وبعيده دايما
يا جماعه اللي عايز ينقد ينقد بس لهدف مش لمجرد النقد
اللي عايز ينقد ينقد بس ميجرحش
حق النقد مكفول من القران والسنه ولكن لا يجوز التعريض والاساءة لمجرد الاساءة
وفي البدايه والنهايه ما هذه الا وجهه نظري المتواضعه
وجزاكم الله خيرا علي مجهوداتكم الفوق اعتياديه

aly 0mer كتب:: دكتور اميرالدا
بالنسبه للاستفسار انا هعتبر اني مشوفتوش عشان مردش عليه
اما بالنسبه لسؤالك الازلي عن الحريه والديموقراطيه فهي موجودة في قلوبنا وكفايه قوي علينا كده
بالنسبه للدكاترة اعتقد انه من ابسط حقوقهم انهم يحتفظو بعلمهم ده للتعليم وبس ومش للتسجيل
انا مش بقول اني مش مع تسجيل المحاضرات وتوزيعها هنا بس اللي عايز اقوله انه اذا الدكتور وافق علي تسجيل المحاضرات تاني يوم هيلاقيها موجودة علي اسطوانات في مكتبه فلان ومكتبه علان بمبلغ كذا
بالنسبه للفلوس اللي اتدفعت اعتقد انك كنتي عارفه ان المصاريف في شبيبن مش قليله ومع ذلك دخلتي هناك وسجلتي فيها
اما بالنسبه لموضوع الدبلومة ده مش مطبق علينا احنا بس
الطبيب اذا حب يفتح معمل لازم ياخد الدبلومة دي او ما شابه
واذا حب يفتح عياده بيحضر ماجيستير عشان يقدر يرخص العياده
والصيدلي برضه لازم يتمرمط سنه في الصيدليات سنه علي الاقل عشان يقدر يكون كفاءة لانه يفتح صيدليه
ودة اساسا مش موضوعنا
اللي عايز اقوله وبكرره وبعيده دايما
يا جماعه اللي عايز ينقد ينقد بس لهدف مش لمجرد النقد
اللي عايز ينقد ينقد بس ميجرحش
حق النقد مكفول من القران والسنه ولكن لا يجوز التعريض والاساءة لمجرد الاساءة
وفي البدايه والنهايه ما هذه الا وجهه نظري المتواضعه
وجزاكم الله خيرا علي مجهوداتكم الفوق اعتياديه

أولا بالنسبه للاستفسار اللي احضرتك شفته وعامل نفسك مشفتوش عشان متردش عليه يا ريت ترد عليه
ثانيا كل معلوماتك غلط للأسف لأن اخواتي دكاتره وصيادله
الطبيب مبيعملش ماجستير عشان يفتح عياده ده مجرد تكليف بمقابل وكذلك الصيدلي السنه دي بيمضيها من اي حد زميله أو بتبقه سنه تكليف بمقابل بردو
ويعني ايه انا عارفه ان المصاريف مش قليله ومع ذلك سجلت فيها؟؟؟ أي نعم انا عارفه بس مكنتش اعرف ان المصاريف دي بدون مقابل وبدون أي خدمات ومش عارفه ليه انت أغفلت باقي الكلام وادعيت ان انا بتعرض بالاساءه لمجرد الاساءه
الفرق بيني وبينك ان أنا ايجابيه وعندي الشجاعه أقول وأعترض وانا الحمدلله متربيه ومش بسئ لحد بدون وجه حق
والدكتور مش من حقه انه يحتفظ بعلمه طالما حضرتك بتتكلم عن القرآن والسنه وبعدين المكتبات مليانه مذكرات بتتباع بفلوس بردو وحل الشيتات بفلوس
وحضرتك مش قارنتنا بكلية طب اللي بتنزل كل محاضراتهم على النت ودكاترتهم موش بيعترضو
هو الموضوع ببساطه مادي بحت وانا من حقي استقي معلوماتي من أي مصدر مش من الكتاب اللي الدكتور منزله ابو شيت ملون لأن الدكتور مش هو اللي اخترع الماده العلميه وكتابه نفسه واخده بالنص من كتب ومراجع لناس تانيه بدون استئذان أصحابها
ويا ريت حضرتك ترد على باقي الكلام ومتردش على اللي بتعرف ترد عليه وبس
وأعتقد من أبسط حقوقي ان ننتيجتي تتعللق مش اروح أعمل سيرش على الدكتور عشان يذللني شويه وبعدين يديلي النتيجه شفهياً وكأنه سر حربي
ولو حضرتك بتدور على الحق تبقه تقولهم يعملولنا مكان نصللي فيه بدل ما بنصللي قدام البسين بتاع دورة الميه اللي ريحته تشفي القلب العليل
وياريت حضرتك مشكورا تتبرع ولو بجنيه

اعتقد انه شئ عادي وطبيعي اننا نغلط
ده لاننا بشر
لكن اللي مش طبيعي التمادي في الغلط لدرجه ان الغلط يركبنا ويحط ايده علي عينينا ويخلينا منشوفش الصح فين
انا اللي عندي قلته واحنا هنا مش في ساحه معركه عشان نبارز بعض بالاراء
عندي كلام كتير ممكن يتقال واللي قبلك يشهد ان الكيماوي او علي عمر مش عاجز عن انه يرد وخصوصا علي كلمة زي كلمه الفرق بيني وبينك
قال رسول الله صلي الله عليه وسلم
انا زعيم ببيت في الجنه لمن ترك المراء * ولو كان محقا
صدق رسول الله صلي الله عليه وسلم
المراء = الجدال

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم
يقول علي بن أبي طالب رضي الله عنه : " إن
أول ما تغلبون عليه من الجهاد : جهادٌ بأيديكم ، ثم الجهاد بألسنتكم ، ثم
الجهاد بقلوبكم ، فمتى لم يعرف قلبه المعروف وينكر قلبه المنكر انتكس " .

عن النعمان بن بشير رضي الله عنهما أن النبي صلى الله عليه وسلم قال :
( مثل القائم على حدود الله والواقع فيها ، كمثل قوم استهموا على سفينة ،
فأصاب بعضهم أعلاها وبعضهم أسفلها ، فكان الذين في أسفلها إذا استقوا من
الماء مرّوا على من فوقهم ، فقالوا : لو أنا خرقنا في نصيبنا خرقا ولم نؤذ
من فوقنا ، فإن يتركوهم وما أرادوا هلكوا جميعا ، وإن أخذوا على أيديهم
نجوا ونجوا جميعا ) رواه البخاري .

وقد
صح عن نبينا صلى الله عليه وسلم قوله : ((من رائى رائى الله به ومن سمع سمع الله به
))

وقد صح عن نبينا صلى الله عليه وسلم قوله : ((قل الحق
ولو على نفسك ))من حديث علي عند ابن النجار كما قاله السيوطي وصححه الألباني (صحيح
الجامع :3769)

عن ابن مسعود رضي الله عنه قال
قال صلى الله عليه وعبى آله وسلم : ((مثل الذي يعين قومه على غير الحق مثل بعير
تردى وهو يجر بذنبه ))رواه البيهقي

==الساكت عن الحق شيطانٌ أخرس

[السلام عليكم ورحمة الله وبركاته

دكتورهamiralda

مش هنقدر ننكر كل الكلام اللى انتى قولتيه
مصاريف كتيره اينعم وعارفين من قبل ما نقدم
ان المقابل قليل ومفيش امكانيات زى ما بيقولوا
قصاد المبلغ الفظيع اللى اخدوه وكمان قصاد العدد
الهائل اللى مقدم وطبعا مفيش عملى وخلافه
ماشى كل الكلام ده لكن مش هنقدر ننكر
فضل بعض الدكاتره الموجودين فى الدبلومه
اللى هدفهم الاول والاخير هوا مصلحتنا وانهم يوصولوا لينا علمهم
ويفيدونا بغض النظر عن اى مصلحه من اى نوع
وكلنا عارفين مين هما صح ولا لا؟؟؟؟؟
يمكن وجود دكاتره زى دول يكون سبب من الاسباب اللى هتهون علينا
كل اللى شوفناه وهنشوفه لسه السنه دى وممكن يكون ده اللى مصبرنا
على الدبلومه واكيد انتى فهمانى ولو كنتى بتحضرى هتقدى تعرفى
وبجد والحق يقال ن فيهم دكاتره اجلاء يستحقوا كل تقدير
واحترام ومش هنقدر ننكر فضلهم علينا بعد ربنا سبحانه وتعالى

انا مش بعترض على كلامك انا بس بقول وجهة نظرى

تعرفى يا دكتوره احنا الدفعه الكام تتخرج من الدبلومه دى؟؟؟؟؟؟
احنا الدفعه الرابعه .... يعنى اتخرج قبلنا تلات دفعات
تفتكرى كان وضعهم احسن مننا؟؟؟؟؟؟؟؟؟؟؟؟؟
لا كان عندهم نفس اللى عندنا ومفيش امكانيات وخلافه
تفتكرى محدش خلال التلات سنين من اللى قبلنا اتكلم
واعترض زى ما بنتكلم دلوقتى؟؟؟؟؟؟؟؟
اكيد فيه ناس كتيره برده مسكتتش عن الحق وطالبة بحقهم زينا
طب تفتكرى ان فيه حاجه اتغيرت او حصل اى تطور فى الدبلومه؟؟؟؟
لا مفيش الحال هوا هوا وبالرغم من كده لو تلاحظى هتلاقى
ان رغم ان الكل عنده المعلومات دى عند الدبلومه وبرده
عدد كبير جدا اللى بيقدم ومش هنقول اننا اتفاجئنا او مش كنا بنجسب كده
لا دا كلنا عارفين انها كده

عاوزه اقولك يا دكتوره ان اكيد قبلنا ناس كتيره اتكلمت وادينا بنتكلم
واكيد بعدنا ناس هتتكلم برده وهتطالب بحقها

ولو علينا احنا كل الحكايه سنه
ومش هنقدر نغير جوا الكليه حاجه لاننا نعتبر ضيوف عندها
وخلاص هانت كل الحكايه شهرين وهتنتهى
مش هنيجى ونتكلم على الاخرواعتقد
ان خلال الشهرين دول مستحيل فيه حاجه هتتغير لكن نامل انها
تكون افضل للى هيجى بعدنا بس عمر ما هيحصل تغير الا لو كل واحد بدا بنفسه اولا
(( ان الله لا يغير ما بقوم حتى يغيروا ما بانفسهم ))

صدق الله العظيم

شكراً يا دكتوره راجيه على كلامك اللي هدّاني شويه
أنا غصب عني انفجرت على الأخر
وأنا والله العظيم ما كنت أعرف ان الكليه هناك كده
ولا كنت أعرف أي معلومات
أنا فعلا فوجئت بالوضع ده
وأكتر حاجه تضايقني عدم احترام الرجل للمرأه واعتباره ان البنت مش مهم تصلى وتصلي فى بيتها وايه اللى يخليها تتبهدل ما تقعد فى بيتها وكل الكلام ده اللى فى ناس كتيره بتتكلم على أساسه
وللأسف الدكتور اللي بيتكلم واضح انه مش حاسس بمشكلتنا وقصده نقضيها وخلاص واشمعنه انا اللي هعمل نفسي بتاعه وكده
أنا شايفه ان الأمنيه اللي تمناها صاحب الموضوع أمنيه بسيطه جدا جدا
وأنا معترضه ان يكون هدف بعض الدكاتره التربح المادي وان هدف الكليه المكسب المادي في حين ان المبالغ الضخمه دي كان ممكن يتبني بيها كليه جديده أو على الأقل خالص يصلحوا الكليه بجزء من هذه المبالغ
ودايما بسأل نفسي الفلوس دي كلها بتروح فين؟؟؟
وليه كل الناس ساكته
وليه لما ييجي حد يتكلم يخرسوه؟؟؟
وهنفضل لحد امته عايشين مبنشوفش ولو شفنا مبنتكلمش ولو اتكلمنا منعملش !!!!
وأنا لا أنكر مجهود الدكاتره ولكن ده مجهود بياخدو أجر عليه
انما حضرتك والأخوه الكرام أمثال الدكتوره ناديه بتتبرعوا بمجهودكم بدون أجر وفي فرق كبير بين الاتنين
وحسبي الله ونعم الوكيل

واضح جدا يا دكتور اميرالدا انك انفجرتي فعلا في الاخر
مشكورة لجهودك الحثيثه
وربنا يقدرك علي فعل الخير ويبعد عنك المثبطين والمحبطين
لكن لي كلمه اخيرة يا دكتورة اتمني انك متاخديهاش علي صدرك زي باقي الكلام
قال رب العزة
ادع الي سبيل ربك بالحكمه والموعظه الحسنه
صدق الله العظيم
بكل الحب والتقدير ربنا معاكي

حضرتك مش عارف أصلا سبب نزول الآيه وهي لا يمكن ان تنطبق عليا
الآيه 125 من سورة النحل وفيها الخطاب موجه للرسول صلى الله عليه وسلم والمقصود بها الدعوه إلى سبيل الله
وملهاش اي علاقه باللى بدعو بيه
وانت بردو مردتش على الكلام دى كلها مجرد تهكمات وسخريه
أتأمرون الناس بالبرّ وتنسون أنفسكم؟

تنبيــــه

نرجوا الإلتزام بشروط وقوانين منتديات التحاليل الطبية الخاصة بكتابة المشاركات

وخصوصاً الإلتزام بالفصحى واداب الحوار .

نرجوا الإبتعاد قدر الإمكان عن الحوار الغير مفيد والجدال والتعصب .

نرجوا عدم الخروج عن محور الحديث والتطرق الى أمور أخرى .

المنتدى ساحة لتبادل الخبرات ونشر العلم والخير لكل المهتمين بمجالات إهتمامنا .

مهاجمة أي جهات رسمية وإنتقادها لن يفيد ولن نجني من وراءه إلا الخلافات بيننا هنا .

نحن معنا هنا خبراء وأساتذة جامعيين ونستفيد من علمهم وخبراتهم وهذه حرية شخصية لسيادتهم

سواء بتبادل خبراتهم بيننا هنا أو في مواقع أخرى .

وبالنسبة للسادة الأساتذة الأفاضل الغير موجودين معنا هنا ويرفضون نشر محاضراتهم

فهذه حرية خاصة لهم ونحن لا نختلف على ذلك ونحترم حقهم في ذلك .

أخيراً نحن هنا أسرة واحدة وأخوة في الله فلا يصح تغيير هذا المفهوم ..

ــــــــــــــــــــــــــــــ

السلام عليكم ورحمة الله وبركاته

الأخت الكريمة الدكتورة/ أميرالدا

يبدوا أن سيادتكم من الأخوات الفضليات المتمسكات بتعاليم ديننا الحنيف

وهذا إكرام كبير من الله رب العزة لشخصكم الكريم ..

بالنسبة لسلبيات المجتمع فهي كثيرة وليست بالجديدة

وشأن مجتمعنا شأن العديد من المجتمعات القديمة والمعاصرة

أما بخصوص الخوض في تفاصيل هذه السلبيات وكيفية التخلص منها فهو ضروري ولكن بإستخدام

الأسلوب الطيب وتوجيه هذا الإسلوب الى مصدر التقصير حتى لانهدر طاقاتنا .

بمعنى أنه لو كان هناك تقصيراً في أمر خاص بمكان الصلاة في الجامعة فأظن أن مسئولي وإداريي

هذه الجامعة هم أخوتنا وأساتذتنا ومسلمون مثلنا مهما كانوا سلبيين ويمكنهم التحرك لإصلاح ما

نشكوا منه مهما تكاسلوا ومهما أهملوا فلن يضيع حقنا طالما كنا له دائماً مطالبون .

فنحن في مجتمع إداري منظم حتى وإن إختفى هذا التتنظيم في بعض الأحيان أو في بعض الأماكن

فلن نسموا الى الكمال المطلق أبداً فالله خلق الخير وجعل نقيضه الشر ووضعهما للإنسان ليختار منها

ما يشاء وسيظل هذا الصراع الى يوم الدين وكل ما علينا هو العمل والأخذ بالأسباب .

ونرجوا ضبط النفس والإلتزام بحسن الحوار فيما بيننا

ونرجوا من الأخ العزيز الدكتور/ علي

الإلتزام أيضاً وحسن المعاملة والحوار

ولا ننسى أننا كلنا هنا أخوة في الله وما إختلفنا فيه من اراء لا يفسد رباط الإخوة فيما بيننا .

.....................

والسلام عليكم ورحمة الله وبركاته

دكتورة اميرالدا
اعوذ بالله ان اكون من الجاهلين

علم وجاري التنفيذ اخي العزيز واستاذنا الاستاذ / محمود موسي

يا شباب انتم نسيتوا المسألة الاساسية ومسكتوا فى أمر لآخر فين المحاضرات

الاخت الفاضلة الدكتورة جزاكي الله خيرا وفعلا كلامك رائع بس انا حابب اقول حاجة وهي ان السلبيات دي اصلا موجودة من زماااااااااااااااااااااااااااااااااااااااااااااااان قوي وبعدين لما تلاقي كدة تقول يبقي انت اكيد في مصر
الكمبيوتر

بسم اللة الرحمن الرحيم السلام عليكم ورحمة ا

:انا واللة العظيم بقالى حوالى شهرين ما كتبتش اى مشاركة فى المنتدى بس بصراحة الموضوع استفزنى للرد الاخ على عمر عمال عايز يهدى الموضوع وماسك اعصابة والاخت اميرالدا عايزة تستفزة وبتغلط بطريقة مش كويسة خالص يعنى بتقول مثلا (انا متربية كويس) ودة عيب بصراحة يعنى مش اسلوب حوار خالص

لكن فعلا الموضوع يغيظ دلوقتى دبلومة شبين بتاخد مبلغ انتو شايفين انة كبير ولو انة بصراحة مبلغ مش كبير ولا حاجة بكرة لو اتقفل الترخيص هتدفعو قد المبلغ دة 100 مرة عشان تعرفو تاخدو حقكم احنا دفعنا فى الكلية قد المبلغ دة فى الكتب والشيتات والملخصات وبعدين ما باقى الدبلومات فى اسكندرية مثلا بتاخد مبلغ قريب من كدة لكن الفرق هنا ان النجاح مضمون وبتقدير كمان لكن فى الجامعات التانية هتدفع وبرضة ممكن تشيل وتدفع تانى وكمان الدكاترة واللة ربنا يكرمهم بيساعدونا بكل الطرق وبيدو تقديرات كمان عاوزين اية تانى وبعدين اللى عايز يتعلم تعليم كويس فى جامعات معروفة ان مستواها كويس ما قدمش فيها لية زى اسكندرية والقاهرة وغيرهم احنا هنضحك على بعض كلة دخل شبين عشان مضمون النجاح وكمان الحضور قليل والعملى احنا يعنى كنا استفدنا اية من عملى الكلية واللى عايز يتعلم يتدرب برة فى معمل خاص واللة مفيش كلية هتكفى العدد الكبير دة ومحدش يقولى لية يقبلو العدد الكبير دة لان دى تبقى انانية يعنى انا جايب تقدير قليل ولو ماكنتش شبين بتقبل العدد الكبير دة مكنتش عمرى هعرف اقدم فى اى دبلومة وبصراحة بقى انا عاجبنى نظام الدبلومة على كدة يعنى ادفع وانجح واخلص وبعدين انا اتعلم الشغل بقى على حسابى يعنى اللى عايز يتعلم بعد كدة يقدم فى الكليات اللى مستواها كويس وكلنا عارفينها واللى عايز عملى يتعلم برة على حسابة وكمان موضوع الشيت دة دكتور الهورمونات مثلا قال اللى مش عايز يشترى الشيت ممكن يمتحن شفوى ولو الاخت اميرالدا مذاكرة وواثقة فى نفسها تمتحن شفوى الفرصة متاحة يعنى مفيش اجبار واللة الشيت دة نعمة احنا كنا بنشترى شيت فى كل مادة وبرضة كنا بناخد درجة اعمال السنة على الشفوى يعنى حتى اللى مذاكر ماكنش بيعرف يجاوب يبقى كدة احسن ولا لا يعنى شيت ممكن تحلية من الكتاب او تنقلية من زمايلك احسن ولا امتحان شفوى ولا امتحان اعمال سنة كل شوية بصراحة انتم كدة بتتبطرو على النعمة يعنى ياريت اللى مش عاجبة يبقى يشوف حال الدبلومات التانية ويعرف النعمة اللى هوة فيها

والنبى يا اخت اميرالدا ابقى حسنى اسلوبك شوية وبلاش نقد على الفاضى

من الواضح انها معقدة شوية

و بعدين ايه عدم احترام الرجل للمرأة و البنت ................الخ ، إيه دخل ده فى ده ؟

» كلمة شكر!!(خاص بدفعة 2007-2008)
» اليكم بعض الخواطر اتمنى ان تعجبكم
» الجرة المتصدعه ؟؟ اتمنى ان تعجبكم ...
» Norton AntiVirus 2007 full نورتون 2007 كامل + الكراك
» برنامج الاوفس 2007 كاااامل Office 2007 ( عربي )