أبشرو: الحملة الاعلامية على وزارة الصحة للحصور على تراخيص التحاليل الطبية وفتح المعمل

الحملة الإعلامية على وزارة الصحة للمطالبة بحق العلميين فى تراخيص التحاليل الطبية وفتح المعامل

إلي زملائنا العلميين - أعضاء المنتدى والجروب الكرام:-

-------------------------------------------

[size=12]الي كل علمي احس بمهانه في يوم ما بسبب نظره مجتمع لا يقدر العلماء

إلى كل علمى كفل له المجتمع والانسانية حق العيش الكريم دون التقليل من شأنه او مهنته
الي كل علمي وجد تعسفاً من اقرانه بسبب نفوس مريضه لا تجد خجلا او حرجا من ان تنتقص من قدرك حتي تعلو، حتي وان كان ذلك حق يراد به باطل
الي كل علمي وجد طريقه في الحياه ونجح وأثبت نفسه و تمني أن يأخذ بأيدي زملائه و ينتشلهم من براثن يأس اواعتقاد خاطيء "ان خريج العلوم مالوش لازمه"

محتاجينكم كلكم من دلوقتي معانا هنا -----

طبعا من يوم ما ابتدي الجروب (العلميون بحثا عن كيانهم) وكلنا نحلم بالتغيير تغيير بجد مش كلام وخلاص وان تجمعنا يكون له معني اكبر من مجرد الكلام.

الحقيقه احنا فكرنا كتير و لسه بنفكر و عملنا كتير و لسه بنعمل وحققنا كتير ولكن ينقصنا المزيد.
ومن فتره ،عملنا وقفه مع نفسنا وقفه نشوف فيها احنا وصلنا لفين!!؟؟ حققنا ايه من حلمنا و ايه المفروض يحصل الفتره اللى جاية؟؟.

ايه هدفنا اللي بنشتغل عشانه؟ ايه رؤيتنا ؟ وايه استراتيجيتنا عشان نوصلها.
وبما اننا علميين فحاسين بكل علمى وايه حقوقنا ومالنا وما علينا ، فقررنا نمشي بفكر منهجي سليم وبما اننا شباب فمن حقنا نجرب ونخطا ونتعلم عشان نوصل لاحسن الحلول والنجاح لن يكون بالخطوة السهلة ولكننا نكافح من أجل تحقيق أهدافنا وده اللي حصل معانا من يوم ما اتولدت الفكره في الجروب.
بنحاول عشان ننجح ونوصل --- و الحقيقه كانت النتايج اكبر من اللي اي حد فينا يتخيله كان نتاجه احنا –وجروبنا الرائع ده والمنتدى العظيم
يمكن كتير منا بيقول من جواه "ايه يعني احنا ده" ؟؟؟؟؟؟
تسمحولنا بقي نقيم أنفسنا بنظره هنحاول نخليها موضوعيه وبعيده عن تحيزنا وانتماءنا للجروب:-

اولا :- احنا من الجروبات القليله اوي في الفيس بوك اللي اعضاءها مش مجرد ناس بيتكلموا علي النت لكن تقريبا كل اعضاء الاداره من جميع المحافظات بتتقابل بشكل دوري في اجتماعات مطوله علي ارض الواقع.

ثانيا :- عندنا في كل محافظه مجموعه عمل مش اقل من عشره أفراد نعرفهم بشكل شخصي ومش اقل من 25 متفاعلين بشكل رائع علي الجروب وواثقين وقت الجد إنهم هيوصلوا ل 50 على الأقل في كل محافظة (احنا بنقول علي الاقل).

آ

العلميين في المجتمع الذى لن يتحقق إلا بتكاتف جميع الأيدى مع بعضها البعض.

واهم حاجه نجحنا فيها اننا اصبحنا أسره واحده ووقت الجد لما نقول يلا نعمل كلناااااااااااااااااااااااااا بنكون ايد واحده.

اسفين علي الاطاله بس كان لازم نقول الكلام ده لانه مهم اوي و ضروري
لأن الخطوات القادمة فرض على كل علمى بيحب بلده يعني مش هينفع واحد او مجموعه تقوم بيها والباقى يقف كالمتفرج.!!!!!!
القادم إما هيكون منقذنا او كبوتنا -لا قدر الله –
وكل منا مسئول أمام نفسه والجميع إما بايجابيته أو بسلبيته ، فهل ترضى لنفسك أن تكون سلبيا وسببا فى انتكاسة العلميين أم تكون سببا فى فرحة الآلاف وارجاع الحقوق لأصحابها

**************

الكلام ده مهم جدا لأنهم خطتنا فى المرحلة الحالية ويجب علينا الاهتمام وتنفيذ ماسيتم الاتفاق عليه:-

تم الاتفاق من جميع اعضاء إدارة الجروب على إنه سيتم عرض لجميع مطالبنا كعلميين فى توبيك خاص بذلك سنناقشها فيما بيننا وسنتفق على صيغة موحدة سيتم ارسالها لمجموعة من البرامج الاعلامية والصحف والمجلات عن طريق جميع أعضاء الجروب والمنتدى وسيتم وضع أرقام الفاكسات والايميلات وسيتم االارسال ضمن خطة زمنية ومحددة لكل على حده لضمان نجاح الحملة.

دلوقتى

هتقولى طيب انا مطلوب منى ايه
هنرد عليك ونقول:

هنبدأ بارسال فاكس لوزير الصحة سيتم فيه المطالبة بحصولنا على تراخيص مزاولة مهنة التحاليل الطبية زينا زى أطباء التحاليل خلال شهرين دون اللجوء لرفع أية قضايا أو خلافه

مع العلم ان كل واحد هيبعت الفاكس هيقول انا بعت وهيكتب اسمه فى الورقة اللى هتتبعت (النقطة دى مهمة جدا لأنه لو محدش كتب اسمه ولو ثنائى لن يتم الالتفات لذلك لأنهم هيقولو ان واحد فاضى وبيلعب)

ثانياً:-

مطلوب من كل واحد يقرا الكلام ده كويس ويسجل حضوره في التوبيك ويبعت ويخلى اصحابه كمان يبعتو الفاكس (مطلوب 500 فاكس على الأقل فى غضون أسبوع)

ثالثا لو انت في جهه و بتقابللك مشكله شايفها فئويه مش شخصيه زي مثلا بدل عدوي او كادر خاص او ----او قول ايه مطلبك وكلنا هندرسه سوا ونشوف افضل حل للمشكلة دى.

لو عندك اي اقتراح لا تتردد من فضللك في انك تقوله لان فعلا العصف الذهني و تبادل الاراء مهم جدا

***************

ودي اول خطوة من حملة فاكسات هانبعتها لكل الوزارات والهيئات اللي بيشتغل فيها العلميين ومش واخدين حقهم فيها زي وزارة البترول و قطاع الادوية وغيرها من الوزارات يعنى مش وزارة الصحة بس لأن هدفنا هو حق العلميين بجميع تخصصاتهم مش أخصائيو التحاليل وبس.

وأخيراً وليس أخراً
التوبيك ده مش مجرد اقتراح من فرد ولكن نتاج اجتماعات الاداره وممثلين الجروب في المحافظات وبعض الأعضاء البارزين ويعتبر خطتتنا للفتره القادمة

[/size]ملحوظه هامة جدا :-

التوبيك مستمر لمده اسبوع حتي يتسنى لنا ارسال أكبر عدد ممكن من الفاكسات من جميع العلميين مهتمين بالتحاليل او غير مهتمين بها لأنها قضية رأى عام وقضية فئوية.

اضغط هنا لتحميل الفاكس الذى سيتم ارساله لوزير الصحة

رقم الفاكس (27953966)

اخى وزميلى مذا تقصد بالفاكس
ان قدمت اوراقى فى الوزاره

شكرا جزيلا
وجزاكم الله خيرا

السلام عليكم
أخى الفاضل أريد من المنتدى صيغه رسميه موحده يمكن لى ولغيرى ارسالها لوزاره الصحه مع بيان كل البيانات اللازمه من عنوان وارقام الفاكسات
وشكرا

الحرام : هو ما يفعلة الكيميائيين والزراعيين والفنيين عندما يفتحوا معمل ويعملوا ما لا يفهموا او يدركوا خطورتة (طبعا هم فاكرين انهم عارفين - لانهم مش عارفين الذى هم لا يعرفوة) وإدعاء لقب دكتور لتضليل الناس والكلام فى الطب و والله هم لايرضوا ما يفعلون لابوهم او اختهم وواللة العظيم شفت كتير فى حياتى اهاليهم هم اول الناس اللى بيتبهدلوا - وحسبنا الله ونعم الوكيل

انا مع الدكتور صلاح

بس المشكلة ان الحكومه فعلا اهملت كلا الطرفين

واحد بيتخرج بدون و عي طبي لمسؤلية النتائج ولا يعلم انه على ضلال

و اخر يعطي النتائج و يدرك انه يعطي نتائج خاطئة تماما دون الرجوع ل ضبط جوده او معايرة صحيحه بهدف عدم الاستهلاك او التوفير

كلاهما عنصرا ضعف في السوق

المسئوليةه على الحكومة والجامعه

الاستاز صلاح هو عبارة عن طبيب حقود
وماكنتشي الرخصه الامريكيه راحت لخريج كليه العلوم

بالاضافه لخريج الطب يدرس قشور عن التحاليل
ودي مشكلته
وبعد كدة
بيجي يتكلم
فهو لم يدرس الكميا التحليله بفروعها
ولا يدرس ميكانزمات التفاعل
ولا عارف ليه التفاعل دة حصل
اضف لدة الكثير والكثير من المعلومات الت لا يعلمها خريج طب
فيحصل كوارث في المعامل بسبب خريج طب
قرينا كلنا عن الطفله رحمه للي راحت تحلل عن خريج طب
وعملها تحليل غلط
وقبلها الراجل للي عمل تحالليل عند معمل يمتكله طبيب
وبردو عمله تحاليل غلط
والمصضيبه ان المصايب بتاعت خريج طب بتيج في الجرايد والتلفزيون
لكن يبدو ان وزارة الصحة سايباهم بردو يشتغلوا
وهما مالهمشي علاقه بالعمليه نهائي

ومن المعروف برة
ان دكتور التحاليل
هو خريج كليه العلوم
اما خريج طب
فهو طبيب
شغله
في الاكلينكال
اي الجلديه والباطنه
وماشبه

وز ما قلت شوف برة في امريكا مين للي بيعترفو بيه كدكتور تحاليل
مش عارف انتو متغا ظين مننا ليه

فعلا كل المصايب بتيجى بسبب خريج طب اللى مش بيعرف يحلل أصلا

انتوا عارفين يا جماعة ان أقل طلبة ف طب هما اللى بيخلوهم ف قسم التحاليل ده لأنهم فاشلين

أما خريج علوم هو الأساس لأنه فاهم طبعا كل الميكانزمات بتاعت التحاليل و حتى الألوان بيعرف جايه منين
أما خريج طب فطبعا مش فاهم حاجة

يلا ربنا يصبرنا عليهم

السلام عليكم ورحمه الله وبركاته
ياجماعه احنا مش في حاله حرب بين خرجين طب وخرجين علوم
كلنا بنشتغل لغرض واحد وهو رضا ربنا عننا لما نتقن عملنا
وكمان لخدمه المريض اللي جاي يعمل تحليل يساعد الدكتور في عالجه وهو مالوش في موضوع علوم او طب المهم
الامانه في الشغل وارضاء الضمير

فعلا يا أميرة بس المشكلة ف خريجى طب
هما حاسن اننا ولا حاجة واننا أخدنا حاجة مش بتاعتنا

و فعلا المشكلة الأساسية اننا أصبحنا ننظر فقط للالقاب وبس
يعنى مين اللى قبل اسمه حرف د

المشكلة أصبحت اننا مش مهتمين غير باننا نتشاكل مين يفتح معمل و مين لأ
لكن اننا ندور على مصلحة المريض لأ

ممكن من فضلكوا نص قانون سنة 1954 و قرار 1994 فى اسرع وقت ممكن

عاوزه اعرف حاجه يعني اي واحد يحصل علي الترخيص هيقول انا هفتح معمل لوحده كده ولو فتح لوحده هيروح فين وسط الهيلمان ده كله والا يفتحه جروب مع كذا اخصائي او يحط اسم دكتور كبير وهل ده ممكن احصل عليه عن طريق المنتدي والا لازم علشان افتح معمل اكون عارفه الاشخاص اللي هيشتركو معايا يعني يكونو اصحابي مثلا او معرفه

اارجوكو عاوزه افهم يعني موضوع فتح المعمل ده سهل بالنسبه لاي واحد مجرد عمل دبلومه والا الموضوع كبير يعني ارجو من اي حد يفهمني بجد انا حاسه اني تايهه ومش عارفه اوصل لحلجه

عادي يا دكتوره
بس يستحسن
تاخدي الاول دبلومه كمياحيويه طبيه
وتكملي ماجستير ميكروبيولوجيا طبيه او كميا حيويه طبيه

وتفتحي معمل تحاليل كمياحيوي طبيه وميكروبيولوجيا طبيه

انا فعلا بدايق من دكاتره التحاليل خرجين طب وخاصه لما نروح ندرب معاهم والي بيعملو كل الي ف وسعهم عشان يقللو من شاننا
ويحسسونا ان احنا اقل منهم
انا بفرح اوي لما بلاقي العلميين كدا ايد واحده وبيثبتو بعض
لان فعلا حربهم ضدنا جد بتخلينا بنتعب ف شغلنا كتير

بعض الأخطاء فى معامل الفنيين من خريجى صيدلة وعلوم وزراعة ومعهد فنى (من خبرتي عشر سنين):
1- إدعاء انه طبيب ويقدم نفسه دكتور فلان وهذا غش وتضليل رهيب للمريض ويجعل المريض يستمع لنصائح خاطئة غالبا (الحلال ان تعرف نفسك كيميائى او زراعى او فنى)
2- إعطاء النصيحة الطبية للمرضى والتى غالبا ما تكون شائعات غير صحيحة والكلمة بتوجة المريض لطريق خاطىء يظل فيه لمدة سنين
3- التدريب على يد فنى آخر وليس دكتور مما يؤدى لإنتشار الاخطاء والاختراعات الغريبة
4- فبركة نوع الانيميا عن طريق معادلات خاطئة تماما (Hb/3 = RBCs) (Hct/RBCs = MCV)
وهذا يؤدى أنني لما اري فى حياتى العملية اى مريض سرطان فى مستشفى إلا وكان قد حلل قبلا فى خمس معامل كلهم فبركوا نوع الانيميا و أخروا العلاج الكيماوى سنين وانتشر السرطان
5- فبركة انواع الخلايا البيضاء وهذا يؤدى لما سبق فى 4
6- إعطاء المريض صورة الدم الخارجة من جهاز صورة الدم بدون تصحيح أخطاء الجهاز
7- عمل الفيروسات على الكروت والتى حساسيتها لا تتعدى 60% مما يؤدى لنشر الفيروسات فى الناس
8- فبركة الحيوية والاشكال فى تحليل السائل المنوى مما يؤدى بالمريض لطرق طويلة خاطئة
9- وغيره كثير فى ابسط الامور

على أساس ان كل الدكاترة بيفهموا كل حاجة ف التحاليل

ده أبسط حاجة يا جماعة تحاليل أى عملية جراحية طبعا معروفة بس الدكاترة دايما بتنسى أنواع تحاليل منها وتجعل المريض يرجع المعمل 100 مرة عشان يكمل التحليل يكون مات طبعا مش اتأخر له العلاج الكيماوى

أما بالنسبة للى بيقولوا الدكتور الغريب د" صلاح انه فيه مرضى اتبفركتلهم نوع الأنيميا ليس كل المعامل مثل بعضها و من يعلم ربما يكون الطبيب صاحب المعمل هو المخطأ

أما بالنسبة ل (التدريب على يد فنى آخر وليس دكتور مما يؤدى لإنتشار الاخطاء والاختراعات الغريبة) أنا عمرى ما شوفت دكتور من طب بيعرف حتى يسحب عينة دم خصوصا من رضيع على غير الكيميائى أو حتى الفنى اللى بيسحبهم بمنهى السهولة فطبعا مش بيعرفوا يشتغلوا أبسط حجاة الكيميا و لا حتى الاليزا والPCRو الهرمونات

بعد كل هذا أقول ل د:صلاح عيب يا دكتور تعيب فى صيدلة أو علوم أو زراعة أو حتى الفنى التى تستحقرهم هكذا وكأنهم ارتكبوا جرما لا أعرف لماذا تعاديهم هكذا و كأن أحدا منهم أخذ رزقك فأعلم يا ابن آدم ان رزقك مكتوب

علمت أن رزقى لم يأخذه أحد فاطمأن قلبى

انا عايزة اعرف ايه السواد ده يا دوك صلاح؟
اولا التحاليل دي في الاصل كيمياء واحنا درسنا الكيمياء في الكلية 4 سنين بكل فروعها وانواعها تحليلية وعضوية وغيرها ...........انت بقا تعرف ايه عن الكيمياء غير انك درستها فثانوية عامة.؟
ثانيا احنا مش بنوصف علاج ولا بنشخص الحالة لاي مريض يعني مش بنتدخل فشغل الطبيب المعالج يااااااااااادوك.
ثالثا بقا خريجي طب اللي انت بتقول عليهم انهم بيفهمو فالتحاليل مبيشغلوش فالمعامل اللي بيفتحوها غير الكيميائيين وخريجي علوم ده اعتراف منهم اننا اقوى منهم فالتحاليل .بل وفحالات كتيرة كمان الدكتور بيلجا للكيميائي وبيساله وبيستفسر منه في حاجات كتير فالتحاليل .وده حصل معايا كتير دكتور المعمل ييجي ويسالني ويخليني اعيد وراه التحليل وساعات كتير بتكون النتيجة بياعته مش صح وانا بعدل وراه النتايج.
اخر حاجة بقا احب اقولها لك ان انا اشك اصلا انك دكتور وان ده اسلوب دكتور

الي المدعو الدكتور صلاح
لو مزعلك اوي ان الكيميائي او الزراعي بيطلق علي نفسه دكتور ياريت تزعل الاول من كل اطباء مصر اللي بيدعوا انهم دكاتره وهم مجرد اطباء ماجستير او ما شابه اما بالنسبة للفنيات فهل يا تري كل المعامل اللي اصحابها (اطباء) تحاليل طبية هما اللي بيشتغلوا ولا بيعتمدوا علي الفنيين وبعدين ده حتي مستشفيات الحكومه بتعترف بالكيميائي في المعامل وانا كنت شغال في مستشفي والطبيب اللي بتتكلم عليه مكنش بيعرف اي حاجه في الشغل وقبل ده وده يا جماعة القانون بيقر بأحقيه الكيميائيين في فتح المعامل بس للأسف لأن دائما وزير الصحه كان دكتور حاقد مثل الاخ صلاح مكنش بيسمح بذلك عكس القانون ما بيقول وعلشان كده لما كان حد بيرفع قضيه علي الوزارة كان بيكسبها وابشورا بعد الثورة بالفعل تم تفعيل القانون واصبح من حق الكيميائي فتح معمل بعد الدبلومة وشكرا اه نسيت ان اقول ان كل المصايب اللي حصلت للمرضي في مصر كان سببها اطباء مش كيميائين وياريت بقي كل حاقد يموت بغيظه

على فشطرين كرة جريجى علوم مظلومىن جدا وشطرين جدا دليل لما حد علوم بيفتح معمل بيكسب ثقة الاطباء اكثر من خريجى طب اللى مسلمين كل شىء فى المعمل للفنيين ودة كلام عن تجربة

» أنواع المخلفات الطبية بمعامل التحاليل الطبية
» مواقع هامة فى التحاليل الطبية
» ثورة جديدة في التحاليل الطبية
» فتاوى تخص معامل التحاليل الطبية
» جريدة دكاترة التحاليل الطبية اليوم