كل ما يتعلق بمـــــــــادة الاجهزه المعمليه( منهج - اسئله-امتحان)

يالهوووووووووووووووووووووووي
مفيش احسن من كده تصويت عندي
مصر كلها معاك ياريس
انا مش عايز احبط الناس
بس هو مش صعب شوية ؟
وخصوصا اننا طلبنا ده من دكتور سيد يوم اخر محاضرة للدكتور مجدي والراجل متأخرش وتفضل مشكورا وطلع للعميده وكلمها
ودخل تاني في اخر محاضرة الدكتور مجدي وقال انه مش هينفع عشان الدراسه هتكون ابتدت ومش هيعرفو ( قال مش هيعرفو قال ) يجيبو اداريين ومراقبين
وبعدين فيه نقطه مهمه يا جماعه
المفروض ان العملي قبل النظري وتأجيل العملي ليوم النظري ده اساسا كان يعتبر زي حاله استثنائيه ومنها توفير للرسوم والبدلات اللي بتدفعها الكليه للمراقبين
وضيف علي كده ان علاقه العميده بالساده اساتذه المادة مش كويسه لدرجه انها توافق لهم علي حاجه زي بسهولة
انا مش عارف اللوايح بتقول ايه بالظبط
بس علي حد علمي انا شايف ان الموضوع ماشي بالطريقه دي
والله اعلم
وليك عليا يا عم احمد لو عايز تروح للدكتور سيد اجمع لك عشرين زميل ونروح كلنا سوا بربطه المعلم
بس هل هيكون بفايده ؟
وبرضه نرجع ونقول دي مجرد وجهه نظر

شكرا ياراجية الجنة
واكيد ان شاء اله الترم التانى هيكون في نظام
وانا قصدى ان الاناس اللى بتحضر خلاص بتمشى بعد ما تعرف الكلام اللى اتقال فى المحاضرات
بس المشكلة فى ان ناس بتجيب اخبار جديدة
مثلا واحد يقول حصل كذا وكذا فى محاضرة مش عارف كانت امتى ومحدش بيكون عنده علم بالمحاضرة دى ونيجى كلنا نشكك ف صدق الكلام
او فيه حاجات مثلا اتحذفت وحاجات جديدة اخدناها
طيب الناس الى متعرفش المنتدى والناس الى مش بتقدر تدخل نت
تعمل ايه تضيع ف الرجلين
ربنا يسهل

شكرا ياجماعة على الردود
بس انا زعلان عشان ناس كتير صوتت للتأجيل بس بعد الامتحان مشفتش حد اتكلم على التأجيل كله اتلهى ف الهستو
وكمان فى ناس مشيت على طول
ممكن طلب
أو رجاء بلاش طلب
الناس الى صوتت للتأجيل كلنا نتجمع بعد امتحان الانزيمات الساعة 2.30 عند المدرج بتاع المحاضرات وبعدين نروح للدكتور سيد ونحاول معاه
حتى لا قدر الله لو منفعش احنا معانا لأخر يوم ممكن نقسم نفسنا على مجموعات
مجموعة تكلم الدكتور سيد ومجموعة تكلم الدكتور محمد على والدكتور مجدى
بس عاوزين نشوف جدية
يارب التوفيق للجميع سبحان الله

ازيكوا يا شباب
انا معاكوا فى تأجيل الامتحان
ومعتقدش ان اى حد من دفعه الدبلومه مش هيوافق حتى لو مخلص انا متاكده انا اختيار التاجيل اغلبيه بس يارب الدكتور يوافق ان شاء الله

اولاً : أهلا ومرحبا بيكى يا ريهام
منورة المنتدى بجد
وهتنوريه أكتر بالمشاركات معانا أيام الدبلومة وبعدها ان شاء الله
وربنا يوفقك
ونشوفك بعد الامتحان عشان نروح كلنا للدكتور سيد
ومتنسيش تقولى لكل اللى تعرفيهم
اهلا وسهلا

رجاء
كل اللى يعرف حد يقول له ان احنا هنروح للدكتور سيد بعد الامتحان ان شاء الله
عشان نحاول معاه لتأجيل العملى
اديكو شايفين التعب اللى احنا فيها فى الانزيمات

زعلان

يا جماعة ريحوا نفسكم مفيش تأجيل للامتحان ودة مش راي او فرار بس دي حقيقة بس حاولوا وانا متاكد انة مش هيتاجل
وشكررررررررررررررررررا

على فكرة يا جماعة انا واعوذ بالله من كلمت انا قطعت شوط كبير فى هذا الموضوع حتى وصلت الى موافقة الادارة على التاجيل وتوفير الاماكن والاشخاص فى يوم الامتحان بس لم اتمكن من مقابلة الدكتور سيد للتفاوض معة لانة فى الاول والاخر دكتور المادة وموافقة الادارة لوحدها مش كفاية ولا انتو مش معاى نتقابل يوم الانزيمات وربنا يقدم ما فية الخير

صدقني يا ابو احميد الامتحان مش هيتاجل بجد والله اسمع كلامي رايح نفسك عشان متتعبش وراك متحان انزيمات صعب خصوصا انك مجموعه أ :D

يا جماعة توضيح عشان محدش يفهم كلامي غلط ويظن اني مش عايز التاجيل بالعكس انا نفسي ااجل بس انا فاهم الي فيها وعارف ان العميدة مش هتاجل

اعتقد ان الموضوع ينحصر في جزء الدكتور محمد وهو هيقول انة هيجيب اختياري يعني ممكن تنفضي لشبتر بحالو متذكريهوش بس اعتقد ان الواحد الافضل انة يزاكر اهم الدروس بس وربنا يستر
احتمال يكون في اخبار حلوة علي بكرة لو عرفت هقولوكو اكيد ان شاء الله بس ادعو ربنا يسهل

السلام عليكم ورحمه الله وبركاته
ازيك يا ياسمين
ازيك يا سامو
اخباركوا ايه
الماده دي بالذات انا شايله همها من اول الامتحانات
ربنا يستر ان شاء الله عليها

سامو هو في اجزاء مهمه معينه في منهج دكتور محمد علي ولا ايه
يا ريت لو في حاجه معينه مهمه تقول عليها ونذاكرها هي الاول

احنا في انتظار الاخبار الحلوة

ياسمين هو مش الاجهزة المعمليه الدفعه كلها هتمتحن امتحان واحد ولاايه؟؟
يا ريت لو كلنا امتحان واحد نخلي الموضوع للدفعه كلها
علشان نجمع كل الاخبار فيه

صحيح يا جماعه نسيت اسألكوا
هو بالنسبه لدكتور مجدي
المقرر علينا بالظبط من صفحة كام لحد صفحة كام

ماشى بس انا بس كنت ناسيه

ايه الاجزاء المهمه دى بقى

انا برضه مقتنعه بنظريه Thamoواعتقد انى هنفذها بس مش متاكده من ده اوى يعنى حسب الوقت

الاخ سامو كان بيقول ان في حاجات ممكن نسيبها بيقول ممكن نسيب شبتر كامل
تقريبا يقصد علشان في اختياري في الامتحان
بس انا مش عارفة ايه اللي ممكن نذاكره وايه اللي ممكن نسيبه
يا ريت يقولنا

السلام عليكم
انا اشتريت ورق اجهزة من مكتبه الحرمين امبارح علشان اذاكر منه فيا ريت اللي عنده اعتراض علي الورق ده يقولي قبل ما ابدا مذاكره منه ، وعلي فكرة الورق خطه تقيل اوي ومكتوب عليه ندى اسماعيل
يا ريت يا جماعه حد يرد بسرعه ربنا يبارك فيكم

سبحان الله

يا جماعة انا شايف ان الاسئله مش كتيرة اوي علشان نسيب منها وبعدين انا فاكر ان دكتور محمد علي لغي شابتر الـــ infrared
حد برده ياكد لي الكلام ده

ورق ندا
هو حل الشيت الى ف كتاب النظرى

وورق الحرمين برضه كويس
انا بذاكر منه

بالنسبة لفصل
infra

أظن انا ايضا ان الدكتور حذفه

حتى انى شكيت فى نفسى
سالت ناس قالوا لى انه اتحذف

يا ريت لو فى حد ياكد

أو يعترض على هذا الكلام

طيب ياجماعه انا شايف ان حل الشيت بسيط وشامل اوي
ليه رايكم نزاكر منه ولا لازم من الكتاب
وبالنسبه لدكتور مجدي بيجيب صح وغلط ازاي يعني حاجات سهله ولا معقده؟

السلام عليكم ورحمه الله وبركاته
انا عاوزة اعرف انهي شيت في الاتنين ملخص اكتر
علشان انا مش بعرف احفظ فعاوزة اقل حاجه
يا ريت تفيدوني في الموضوع ده

شيت ندا ملخص لجزء د محمد على

بس ذاكرى جزء الدكتور مجدى من الكتاب

أو ورق الحرمين

ياجماعه أولا السلام عليكم ثانيا بالنسبه لمادة الاجهزه فورق الحرمين ملخص كامل وشامل للكتاب انا قارنته بنفسى وبعدين مش تقلقوا خير ان شاء الله بس حكاية الملغى ديه ياريت حد يأكد بس علشان نتأكد

يعنى يا جماعه لو ذاكرنا حل الشيت بس الملخص ده هيكون كفايه وياريت رد اكيد

الكلام ده اتلغى امتى انا كنت بحضر كل المحاضرات عمرى ماسمعت كده

والاضمن فى الماده دى بالذات محدش يقول ان فى حاجه ملغيه

بسم الله الرحمن الرحيم

السلام عليكم
الاخوة الاعزاء احبتي في الله خاصة
test_tube,yasmin85 ,SPHEROCYTE
وكل باقي الزملاء المحترمين
اعتزار كبييييييييييييييييييييييير جدا مني ليكم
اولا: لتأخري في الرد عليكم وذلك طبعا للظروف الصحية للانترنت كمان في تغير في شكل المنتدي ومكان الموضيع الخاصة بالدبلومة
ثانيا:لاني وعدتكم بأن يكون في اخبار حلوة وللاسف مفيش بل بالعكس في حاجات مطمنش
بس دة والله يا جماعة مش بأيدي وربنا يعلم انا كنت عايز اخدمكم قد اية
اخر مرة كلمت فيها الدكتور كان مستاء جدا من الدفعة (ربنا يستر)

ودة للاسف لان شرزمة من الطلبة طبعا كالعادة في كل دفعة بيستخفو دمهم ومعرفش جابو نمرة الدكتور محمد منين واتصلوا بيه طبعا وانتو اكيد هتتوقعوا الى هيحصل
انا والله كنت بحاول اكلم الدكتور عشان يلغلنا اي حاجة لان الجزء الاخير كبير شوية بس للاسف برضة رفض حتي يقلي علي طريقة الامتحان وكمان هو مش هيجي الكلية الا يوم الامتحان بس

لا املك غير اني اقول للناس دية حسبي الله ونعم الوكيل فيكو لان بجد حرام عليكو
بجد منتهي الاستخفاف من كتير من الطلبة والامثلة كتير بداية من كلمة " كفاية يا دكتور" الى بعض الطلاب قلوها لبعض الدكاترة مثل د.محمد على و د.محمد أمين وانتو عارفين الاشياء الى ترتبت على دة ولمستو اثرها في امتحان اعمال السنة في الحاسب نهاية بالتشتت واختلاف الرأي الواضح بيننا جميعا حتي في اختيار الجداول وطريقة الامتحانات
ومما زاد الطين بله الموضوع الاخير الى حصل مع الدكتور محمد في التليفون

اتمني من جميع الاخوة الالتزام مراعاة لباقي الزملاء حتي لا يتأذي أحد وتكون انت السبب في ذلك طبعا كلنا عارفين ان في ناس كتير جايين من اماكن بعيده وعانوا كتير عشان ياخدو الدبلومة دية عشان تساعدهم على الاقل في الحصول على عمل محترم يليق بيهم
التيرم الثاني قادم واتمني ان لا يتكرر مثل هذه المواضيع رجااااء يا جماعة عشان خاطر ربنا واخونكم في الدفعة
الحاجات المتلخصة برة او مع اي حد هي مجرد اجتهادات من بعض الزملاء جزاهم الله كل خير شوف الى يناسبك منهم وتستريح لطريقة وتفهمها

المهم بالنسبة لناس الى عايزة تعرف الحاجات المهمة :
بالنسبة لجزء الدكتور محمد علي
1-Beer's Law
2-Calibration curve
3-Application of Spectrophotometry(epicially isobestic point).
4-Theory of IR
5-Hydrogen Bonding
6-FTIR spectroscopy
7-Theory of Atomic Spectroscopy
8-Absorbtion,Emission and Fluorescence
9- Interference
10-Mass Spectrum
11-Fragmentation
12- Cloumn separation(Mobile&Stationary Phase ).
13-Types of Chromatography
14- TLC Chromatography
15-HPLC Chromatography
16-Ion Exchange Chromatography

ملحوظة هامة ياجماعة النقط دية الي بعتقد انها مهمة يعني محدش يفتكر ان الدكتور له علاقة بيهم اكرر محدش يعتقد غير ذلك ولو حد عندة اضافة يقولها عشان استفيد وباقي الزملاء
كمان انا سمعت ناس بتقول الدكتور محمد بيحب الكتابة الكتير ولكن الدكتور بنفسة قال في اخر محاضرة لة مجردDefiniations بس كل سؤال حوالى نص صفحة بس
غير كدا موضوع الغاء جزء IR دة انا معرفش عنة حاجة مع اني حضرت كل المحاضرات الحمد لله بس مسمعتش بالموضوع دة المهم ياريت الناس الى عارفة حاجة بس تكون متأكدة اكرر تكون متأكدة عشان الحكاية مش ناقصة تشتيت الصراحة بالله عليكم كمان يقولنا مصدرة وعرف الكلام دة منين دة لو معندوش مانع

بالنسبة للدكتور مجدي فهو قال 20 نقطة من امتحان السنة الى فاتت ان شاء الله وهو قال ياجماعة متقلقوش من الجزء بتاعي وبصراحة طمنا قوي في اخر محاضرة انا عن نفسي هذاكر الامتحان بس لان فعلا مفيش وقت ولو حد عايز المحاضرات بتاعتة يقولي يوم الانجليزي وهي هتكون معايا لو عايز يصورها

اما بقي بالنسبة للجزء العملي الى الناس كلها كانت بتقول هيتأجل وانا قولتلكو يا جماعة متتعبوش نفسكم مش هيتأجل طبعا انتو عارفين لية (.......)
الدكتور سيد دخل اثناء محاضرة الدكتور مجدي وقال يا جماعة متقلقوش الامتحان سهل وبسيط جدا وسالناة الامتحان قال معظمة من شيت العملي (يعني يا دكتور الى عايز ينجح يذاكر الشيت بس قال اة ) والحاجات الى هو قلها في المحاضرات
يعني نركز على المسائل (القوانين الى هو شرحها هيجيب تعويض مباشر) والتحويلات( بتاع ميكرو والنانو والبيكو........ تقريبا شرحها مرتين او تلاتة خلال التيرم )والتعريفات طبعا

بكرر اسفي مرة تانية للاخونا الزملاء جميعا لكل ما ذكرتة كمان للاطالة عليكم بس انا حبيت اقولكم كل حاجة مرة واحد عشان نحسم الموضوع
ياريت الكلام الى انا قلتة دة ميأثرش علي روحكم المعنوية ويخوفكم احنا نعمل الى علينا والباقي على ربنا
(ان الله لا يضيع اجر من احسن عملا )

زائر

جزاك الله خيرا thamo

شكرا جزيلا يا دكتورررررررررررررررر
ربنا يوفقك ان شاء الله

الف شكر يا شباب وان شاء الله ربنا يكملها بالستر

انا خلاص هذاكر infra

يمكن يكون موضوع الغائها اشاعة

السلام عليكم
الدكتور العزيز ثامو جزاك الله خيرا علي هذه المعلومات مع انها غير مطمئنه ولكن ايضا جزاك الله خيرا
ثانيا بالنسبه لموضوع ال IR فهذا لم يقله الدكتور بنفسه في المحاضرة الاخيرة اللي كان فيها مراجعه علي اجزاء المنهج ولكن اللي حصل ان الدكتور راجع كل الفصول ما عدا هذا الشابتر لم ينظر ولم يهتم به فظن كثير من الناس ان الدكتور لغي الفصل ده ، وطبعا بعد كلام الدكتور ثامو لو حد سال الدكتور هيقول عليكم الكتاب كله ومفيش حاجه ملغيه
وربنا يستر

ابكى

انت ايه ذنبك فى الاخبار انت بس بتعرفنا ايه اللى بيحصل وعلى العموم ربنا يسترها علينا كلنا وينجحنا ان شاء الله

ياجماعه انا سمعت ان كل ماده نتيجتها بتظهر لوحدها يعنى اول ما دكتور الماده يخلص تصحيح الورق ياترى النتايج دى هتكون موجوده فى المنتدى وياترى انتو سمعتوا عنها برضه ولا ايه ياريت حد يقولى

للمزيد من التفاصيل راجع الموضوع ( حل امتحان الاجهزة للدكتور مجدي )https://clinicalanalysis.yoo7.com/montada-f45/topic-t1737.htm#11785

السلام عليكم
عزاء حار اقدمه لكل الزملاء بعد امتحان الكمبيوتر ، واحنا ما نستاهلش كل اللي بيحصل فينا
وعلي الرغم من ان كل الاسئله اللي قلناها في المنتدي جت في الامتحان الا انني اقدم لكم عزائي
دي الماده الوحيده اللي قعدت فيها لحد الساعة 2 ،تخيلوا ما حصلش ده في المواد العلميه

عموما علشان اخواتنا في مجموعه ب ما يزعلوش دلوقتي بقي شكلنا كلنا بعد الامتحان هو ده

هو ايه الحكايه هو كل المواد المشتركين فيها مع ب بتيجي فيها مشاكل ليه :D

ربنا يستر في الماده الجايه

سبحان الله

يا جماعة الطلبه بتوع مجموعه ا يسلموا الشيت اللي موجود في نهايه كتاب البيو العملي عند مكتب دكتور عادل نصار
وانا سالته النهارده علي النتيجه قال انها هتظهر علي نص الاسبوع القادم
وبالنسبه لكلام الدكتورة yasmin85 فهو فعلا كده كل ما دكتور يخلص تصحيح هتظهر نتيجته لوحدها
بالنسبه لورق حل شيت الاجهزه اللي في مكتبه الحرمين بتاع ندي اسماعيل فهو يا جماعة مختصر اوي اوي اوي ، فيا ريت اللي يذاكر منه يبص بصه علي الكتاب معاه وبعدين هي مش ذاكره شابتر ال IR فيه فخذوا بالكم
وربنا يكرم

سبحان الله

زائر

أنا سألت النهاردة فى امتحان الحاسب واحدة من المراقبين " الحاجة نعمة " و أظن كلنا عارفينها و أنها قديمة فى موضوع الدبلومة ده ، تعن إن كان لينا أجازة لنص السنة فقالت : حوالى أسبوع أو عشر أيام ، و سألتها عن النتيجة بتكون إمتى فقالت : لسه كمان ييجى شهر و اللا شهر و نص

ده اللى قالته و الله أعلم

مش عارف والله يا اخت om_hamza بس انا سالت الدكتور عادل ذات نفسه في المكتب وهو قاعد يصحح الورق بتاعنا
ولعل يكون الكلام انه هيخلص تصحيح الاسبوع القادم وتخرج النتيجه اداريا بعد شهر
عموما احنا منتظرين
وربنا يكرم
سبحان الله

ازيكم يا جماعه
بلنسبه لموضوع النتيجه ماتقلقوش منه لان احنا عندنا فى كليتنا الدكتور اللى بيخلص تصحيح مادته بيظهرها على طول
اما بلنسبه لماده اجهزه معمليه شابتر IRمش ملغى ولا حاجه
والدكتور لما كان بيراجع سابه وسالناه فى اخر المحاضره علينا ولا لاء قال انه علينا
وبلنسبه لجزء دكتور محمد على هو بيجيب تلات اسئله نختار منها اتنين وكل سؤال بيبقه فيه تلاته تحل منهم اتنين برده
وربنا معانا

جزاكم الله خيرا

وللمزيد من التفاصيل راجع موضوع ( مادة الاجهزة المعمليه )
https://clinicalanalysis.yoo7.com/montada-f45/topic-t1906.htm

للمزيد من التفاصيل راجع موضوع ( حل امتحان الدكتور مجدي )
https://clinicalanalysis.yoo7.com/montada-f45/topic-t1737.htm#11806

للمزيد من التفاصيل راجع موضوع ( وداعا شبح الاجهزة )
https://clinicalanalysis.yoo7.com/montada-f45/topic-t1724.htm#11805

جزاك الله خيرا يا دكتورة ناديه علي المعلومات ده بس انت متاكده من الكلام ده . الدكتور قال
هو بيجيب تلات اسئله نختار منها اتنين وكل سؤال بيبقه فيه تلاته تحل منهم اتنين برده

وهو مين مصدر الكلام ده
معلش والله هو مش تشكيك في كلامك ولكن الكلام ده هيتبني عليه حاجات في المذاكرة

السلام عليكم ورحمه الله وبركاته
جزاك الله خيرا اخي ثاموا
جزاكي الله خيرا اختي ناديه
ويا رب يجعل ختامها مسك
علشان خلاص بقى الواحد تعب ونفسه يرتاح وياخد اجازة

صحيح يا جماعه انا صورت ورق النهارده من مكتبة الزهراء مش عارفة بقى هو ده بتاع ندا
ولا ايه
يا ريت اللي يعرف اذا كان كويس ولا لا يقولي

» كل ما يتعلق بمــــــــــــادة البيو (منهج - اسئله- امتحان)مجموعة (أ)
» كل ما يتعلق بالانزيمات( منهج - اسئله - امتحان) لمجموعة (ا)
» كل ما يتعلق بمادة الهيستو(منهج- اسئله-امتحان)
» حل امتحان الاجهزه دكتور مجدى
» منهج الانزيمات مجموعة (ب)