اخبار مادة الإحصــــــــاء (مجموعه ا ومجموعه ب)

طيب ممكن لو سمحتم حد يكتب حل الاثباتات

بتاعه الامتحانات

ولو حتى عناوين التغريفات

وانا ادور عليها

[quote="Zeinab"]

satron1985 كتب:: الامتحانات اللى فى المذكره بتاع الدكتور رجب ولا لأ
ياريت حد يرد عليه

السلام عليكم ورحمه الله وبركاته
هو كل اللي انا اعرفه عن الموضوع ده
اني كنت بسأل الدكتور على حاجه وبعدين سألته حضرتك اللي اديت الدفعات اللي قبلنا
وقالي ايوة هو اللي اداهم
فمعنى الكلام ان الامتحانات بتاعت السنين اللي فاتت دي لدكتور رجب الصعيدي
والله اعلم[/qu
الف شكر د_زينب شكرا لك

بالنسبه للتعريفات ياجماعه لو حد يعرف ايه المطلوب بالضبط
يقولهم وان شاء الله هاكتبهم النهارده باليل

لا تنسى ذكر الله

ياجماعه الشبتر الاخير ده رخم جدا

ياريت لو فيه ورق شرح للشبتر ده ويكون كويس يقولى

السلام عليكم ورحمه الله وبركاته
دكتور sartona
انا بدأت اعمل التعريفات ووصلت للشبر التالت
يا ريت لو حضرتك هتعملهم تكمل من بعد الشابتر التالت اختصارا للوقت
وجزاك الله خيرا
وان شاء الله انا كمان هنزلهم بالليل

المثال ص 35 هكتب حله بتفصيل شوية علشان في ناس مش فهماه
مثال 2
ص 35
المثال طالب اول حاجه الالتواء الربيعي
وده القانون بتاعه
Q3-2Q2+Q1/Q3-Q1
فكده احنا محتاجين نجيب Q3,Q2,Q1
هنجيب مثلا Q1
الاول علشان نجيبها لازم نجيب الترتيب بتاعها
الترتيب هيبقى من القانون ده
n/4
وهنشوف انهي فئه اللي مجموع التكررات قبلها اقل من ناتج n/4
وبعدين هنعوض في القانون
Q1=S+(n/4-c)/f *L
ونفس الحكايه في Q2, Q3
هنجيب بردك الترتيب بتاعهم وهنعوض في القانون السابق
وترتيب Q2
هيبقى 2n/4
وترتيب Q3
هيبقى 3n/4
وبعدين نشوف الفئه
وبعدين نعوض في القانون الاولاني بقى
والمطلوب التاني هو معامل الالتواء المئيني
وده بيتجاب من القانون ده
p90-2p50+p10/p90-p10
فكده اللي مطلوب هو اننا نجيب p10,p50,p90
هناخد مثلا اننا مثلا نجيب p10
علشان نجيبها لازم نجيب ترتيبها الاول
والترتيب هنجيبه من القانون ده
10*(n/100)
ونشوف الفئه اللي مجموع التكررات قبلها اقل من 10*(n/100)

وبعدين هنجيب p10
من القانون ده
p10=S+(n/100)* 10-c/f*L
ونفس الحكايه
لما نيجي نجيب P50,P90
هنجيب بردك الترتيب
ل P50
50*(n/100)
ونفس الحكايه في P90
وبعدين بعد ما نجيب P10,P50,P90
هنعوض في القانون الاول
وبس كده المسأله خلصت

جزاك الله خيرا
بس ياريت لو كانت بالارقام

n= 65
c of P10 = 0

جزانا واياك دكتور عادل
اللي انا فهمته ان حضرتك عا وز المثال بتاع p10
بالارقام
الاول هنجيب الترتيب
n/100 * 10
65/100 * 10
هيطلع الرقم 6.5
هنشوف انهي فئه اللي مجموع التكرارات قبلها اقل من 6.5
هتبقى الفئه الاولانيه اللي هي 50-59.99
لان قبلها ما فيش تكرارات فهنعتبر التكرارات قبلها صفر
وبعدين هنعوض في القانون
p10=50+6.5-0/8*9.99
=58.116
نفس الرقم اللي في الكتاب بس اللي في الكتاب متقرب
وعلشان بس القانون يبقى واضح انا معوضه في ايه
عندنا القانون
s=50
c=0
f=8
L=9.99
يعني السي زي ما طلعتها يا دكتور عادل مظبوطه
اتمنى اكون قدرت اوضحها
ولو في حاجه مش واضحه قولي عليها اوضحها

يا دكاتره في حد معاه امتحانات غير الامتحانين اللي معانا؟؟؟
يا ريت لو اي حد معاه امتحانات غيرهم يكتبلنا اسئلتهم
لان الدكتور بيجيب افكار في الامتحانات فعاوزين نشوف الافكار اللي جايه ايه
وربنا يستر

شكراعلى مجهودك الرائع

السلام عليكم ورحمه الله وبركاته
انا حاولت اجمع كل الحاجات اللي حاسه انها تعريفات من الكتاب والمحاضرة من اول خمس ابواب لكن الباب السادس مش كتبته
ويا رب تكون دي اللي يقصدها الدكتور وهكتبها دلوقتي
المدى : هو الفرق بين أكبر قيمه وأصغر قيمه في البيانات المعطاة
طول الفئة:هو حاصل قسمه المدى على عدد الفئات
عدد الفئات:هو حاصل قسمه المدى على طول الفئه
مركز الفئه :هو متوسط الحدين العلوي والسفلي
المنحنى التكراري:هو المنحنى الذي يمر بأكبر عدد ممكن من النقاط ويتوسط باقي النقاط
المتوسط الحسابي:يعرف المتوسط الحسابي لمجموعه من القيم بأنه مجموع تلك القيم مقسوا على عددها
الوسيط:يعرف الوسيط لمجموعه من المفردات بأنه قيمه المفرده التي تتوسط هذه المفردات
المنوال : يعرف المنوال لمجموعه من القيم بانه القيمه الاكثر تكرارا او شيوعا
الربيع الاول:هو تلك القيمه التي يسبقها ربع القيم
الربيع الثاني :هو تلك القيمه التي يسبها نصف القيم وهكذا في الربيع الثالث والرابع ....
التباين:متوسط مربعات انحرافات القيم عن وسطها الحسابي
الوسط الفرضي:هو مركز الفئه المقابله لاكبر تكرار
الالتواء:البعد عن التماثل للتوزيع التكراري
التفرطح:هو درجه تدبب قمه التوزيع ويؤخذ عادة بالقياس الى التوزيع المعتدل
معامل الارتباط الخطي (البسيط)بين متغيرين:متوسط حاصل ضرب القيم المعياريه للمتغيرين
slope(الميل):هو ظل الزاوية التي يصنعها الخط المستقيم في الاتجاة الموجب لمحور السينات
خط الانحدار:هي معادلة احسن خط مستقيم يمر بأكبر عدد ممكن من النقاط ويتوسط باقي النقاط
فضاء العينه:هي الفئه التي محتواها او عناصرها تمثل كل النتائج الممكنه نتيجه اجراء أي
تجربه عشوائيه
الحوادث العشوائيه:هي فئه جزئيه من فضاء العينه
الاحداث المتنافيه:يقال ان الحدثين متنافيين اذا كان حدث احدها ينفي الاخر
داله الاحتمال:دالة ذات نطاق s ومداها مجموعه الاعداد الحقيقيه (R )

يا دكاتره رجاء اللي معاه امتحانات غير الامتحانين اللي معانا يا ريت ينزلهم على المنتدى
وجزاكم الله خيرا

مجهود عظيم يا دكتور زينب
جزاكى الله كل خير

انا برده مش معايا الا امتحانين بس
ياريت لو حد معاه امتحانات تانى يكتبها

دكتورة زينب

جزاك الله كل خير

سلمك الله يا دكتورة زينب مجهود رائع حقا جزاك الله خيرا

شكرا ليكى على المجهود الرائع ده يا دكتوره زينب
شكرا لك

السلام عليكم ورحمة الله وبركاته

جزاكى الله خيرا دكتوره زينب على مجهودك الرائع ده
ما شاء الله عليكى
تسلم ايدك
ربنا يوفقك ان شاء الله

مجهود رائع دكتورة زينب

شكرا ليكى

انا نولت الورق فعلا يوم الامتحان وكان موجود فى مكتبة الزهراء

وهو ملخص للقوانين والتعريفات عبارة عن 8 ورقات

وهو دلوفتى موجود منه نسخة فى الزهراء لو حد راح- هيلاقيها ان شاء الله

ولو حد احتاج اى حاجة انا ممكن اشرحهاله

شكرت ليكو كلكو ومتفلفوش من الاحصا الدكتور ان شاء الله هيجيبها سهلة هو قال كده

انا كمان نزلت الكلية النهاردة عشان احاول اعرف اى حاجة وهل فى اثباتات ولا لا

للأسف الدكتور مكنش موجود وان شاء الله لو فى اى اخبار هتلاقوها هنا

السلام عليكم ورحمة الله وبركاته

انا هساعدك يا دكتوره زينب واكمل معاكى باقى التعريفات

بالنسبه للباب السادس

المتغير العشوائى: هوا داله حقيقيه نطاقها عناصر فراغ العينه لتجربه عشوائيه
ونطاقها المرافق (المدى) هو مجموعة الاعداد الحقيقيه .

دالة التوزيع : هى داله تعطى احتمال ان ياخذ النتغير العشوائى اى قيمه اصغر
من اوتساوى قيمه معينه ويرمز لها بالرمزF (x)

ان شاء الله الباب سهل متقلقوش منه

فى الاول الباب بيتعمد على قوانين لو حفظتوها هتعرفوا تطبقوا كويس
وبعد ما تحفظوا القوانين هعتمد بعد كده على شغل رياضى شويه
اللى هوا التكامل

المطلوب:

1-
بتعرف كل داله من الدوال الموجوده وايه الشرط بتاعها
عشان لو جات فى المثال بيقول انها مثلا دالة احتمال
او دالة كثافة احتمال او دالة توزيع او غيره..............

على طول هتكون حافظ شرطها ايه وده اللى هتشتغل عليه المساله

2-
وخدوا بالكم طبعا لو كان المتغير العشوائى ده يا اما متقطع او متصل
لان كل حاله ليها قانون يختلف عن التانيه

3-

حدوا بالكم كمان
فى حالة وجود متغير عشوائى واحد فقط (x)
مثلا وفى حالة وجود متغيرين (x,y)
لان كل حاله ليها قانون مختلف
4-
بعض الخواص على بعض الدوال والخواص دى مهمه لان فيه مسائل مبنيه عليها

وكمان خدوا بالكم من شرط x

اللى بيدهولك فى المساله لان ده هوا حدود التكامل من كذا لكذا

بلاش تعتقدوا انه صعب عشان تعرفوا تذاكروه
ركزوا بس على الكلام اللى قولته ده وان شاء الله طبقوا فى
الامثله هتلاقوه كويس وسهل ان شاء الله

ربنا يوفقك الجميع ان شاء الله

شكرا ليكى جدا يا ايمان على التضويح وجزاكى الله كل خير

بالنسبه للحاجات اللى فيها اكتر من طريقه حل على اى اساس بنختار الطريقه يعنى فى شرط معين الدكتتور قاله لكل حاله ولا على حسب مانحل ولا ايه

لو تقصدى الوسط الحسابى وكده
بيتهيقلى مش فى اساس ولا حاجه لانك لو حليتى بالتلت طرق
الناتج بيطلع واحد هو بس بيوضح اكتر من طريقه

السلام عليكم ورحمة الله وبركاته
ياجماعه بالنسبه لخواص معامل الارتباط
الموجودين صفحة 42
انا مش فاهمه ايه المطلوب بالظبط فيهم
ياريت حد يفيدنى ولكم جميعا جزيل الشكر

الخواص ممكن تيجى فى صوره مساله من اللى ارقامها كبيره وانتى فيها تطرحى او تقسمى
وتطلعى قيم صغيره علشان فى الجمع وكده
يبقى القيم مش كبيره اوى

nada كتب:: السلام عليكم ورحمة الله وبركاته
ياجماعه بالنسبه لخواص معامل الارتباط
الموجودين صفحة 42
انا مش فاهمه ايه المطلوب بالظبط فيهم
ياريت حد يفيدنى ولكم جميعا جزيل الشكر

المطلوب فى الخواص اللى فى ص 42
هوا اثبات الخمس خواص دول
والاثبات بتاعهم موجود فى المكتبه
وتقريبا الدكتور هيجيب واحد منهم فى الامتحان

شكرا لحضرتك دكتوره ايمان
معلش كان ليا سؤال تانى
مثال 1 ص 48
كيف نحصل على
order of x

لا شكر على واجب دكتوره ندا

بالنسبه للمثال ص48
بنجيب رتبة x
كالتالى ركزى معايا

الجدول فيه تلات صفوف

تعالى على تانى صف اللى فيه القيم بادئه من 58 ومنتهيه عند 61
القيم دى قيم x

هترتبى القيم دى ترتيب تنازلى من الاكبر الى الاصغر
بمعنى ان اكبر رقم هياخد رتبة 1 والذى يليه فى

القيمه ياخد رتبة 2 وهكذا
هتلاقى اكبر رقم هوا 90 وده رتبتبه هتكون 1
يعنى هيكون الترتيب كالتالى

قيمة x ________ الرتبه

90____________ 1
85 ____________2
70 ____________3
65 ____________4
61____________ 5
58____________ 6
55 ____________7
50 ____________8
45 ____________9
35___________ 10

وبعد كده تيجى على الجدول اللى عندك وتحطى قصاد كل قيمه من قيم x
الر تبه بتاعتها بنفس الترتيب اللى فى الجدول

هتلاقيها زى ما هيا مكتوبه فى الجدول
وهتعمل كده بالنسبه ل y

يارب اكون قدرت اوصلك المعنى ووتقدرى تفهميها
لو مقدرتيش تفهميها قوليلي وانا افهمها ليكى تانى

دكتوره ايمان المسأله كده تماااااااااااااااااااااااااااااااااااااااااام
جزاكى الله كل خير
وربنا يكرمك ويوفقك

____________
اللهم أغفر لها ولوالديها ما تقدم من ذنبهم وما تأخر.......
وقهم عذاب القبر وعذاب النار........
وأدخلهم الفردوس الاعلى مع الأنبياء والشهداء والصالحين
واجعل دعائهم مستجاب فى الدنيا والآخره
اللهم آميييييييين

ربنــــــــــــــــــا يســـــــــــــــــتر

ممكن حد لو سمحتم يكتب كل الاثباتات الى علينا كلها

السلام عليكم ورحمه الله وبركاته

لكل من قام بوضع معلومه قد تفيد الاخرين في استيعاب الماده

فجزاكم الله خيرا جميعا علي مجهودكم العظيم

اسال الله لنا جميعا النجاح والتوفيق

ألف شكر لكم يا جماعة بصراحة أزلتم عني رهبة الامتحان
و لي طلب ممن أجاب تمارين الكتاب خاصة البابين الثالث و الرابع
لأني حليت مسائل الالتواء طلعت بكل طريقة نتيجة مختلفة تماما

مثلا المسألة ال6 صـ38ــ :

بمعامل بيرسون الأول 0.13-
بمعامل بيرسون الثاني 0.03-
بمعامل الالتواء الربيعي 0.002

ولي سؤال ثاني

في التوزيعات التكرارية في المسألتين 4و5 صـ38ـــ :
هي توزيعات منفصلة
فهل من الضروري فيها أننا نأخذ مراكز الفئات أم نطبق على القيم الوجودة في الجدول مباشرة
و ألف شكر ل راجية الجنة و لكل من أضاف معلومة على هذا المنتدى

يا جماعه بصراحة الاحصاء هي الصدمة الحقيقية اللي واجهتني في الدبلومة Crying or Very sad

انا مش عارف اعمل فيها اية ابكى

:المصقلة:

شباب حد يرد عليا اية اسرع وسيلة الم بيها الأحصاء
يفكر

نيرووو كتب:

شباب حد يرد عليا اية اسرع وسيلة الم بيها الأحصاء

السلام عليكم ورحمه الله وبركاته
بص يا دكتور انا كنت زي حضرتـــــــــــــــــــــــك كده بس واحد زميلي ربنا يكرمه شرح لي 4 فصول النهارده ووالله ما خدنا ساعتين ونص والماده سهله وجميله

فحضرتك تحاول تدور علي حد جنبك فاهم الماده يلخص معاك ويشرحلك من النهايه لان مفيش وقت تحاول تفهم انت لوحدك
وحتي لو ما لقيتش حد والله اول تلات ابواب سهله وممكن تحاول تقراهم لوحدك وبعدين تطبق عليهم

لو سمحتي يادكتوره راجيه

الكلام اللي قولتيه ده بس اللي علينا في المتغيرات
ولا ايه
لان بعد الكلام ده

في في الكتاب حاجات كتير واثباتات
زي

التوقع

الاحتمال الشرطي

وكلام كتير كده ومعلهوش مسائل

هنعمل ايه بالضبط في الكلام ده؟؟؟؟؟؟؟؟؟

وجزاكم الله كل خير شكرا

الاثباتات اية يا دكاترة وربنا يسترها ابكى

:المصقلة:

حسبي الله ونعم الوكيل

الباب السادس كله علينا ماعدا مثال 3 ص 90
وكمان ماعدا من اخر ص 101 من اول النظريه الى ص 112

غير كده الباب كله علينا

بالنسبه لمثلا التوقع والتباين وغيره واى داله فى الباب
الموضوع متوقف على معرفة
بس القانون
والتفرقه ان كان المتغير العشائى متقطع او متصل

المطلوب دلوقتى بس حفظ القوانين فى كل حاله كويس جدا
وكمان الخواص دى تطبيق على القوانين
وعلى فكرة معرفة الخواص دى
بتسهل المساله وبعد كده لو جات مساله على الحالات
دى هتكون سهله ان شاء الله بس احفظوا القوانين كويس
وبكده هتلاقوا الموضوع سهل

يا جماعه الباب الثالث الاحتمال دة كلة مقرر علينا
:المصقلة:

[نيرووو كتب:: يا جماعه الباب الثالث الاحتمال دة كلة مقرر علينا[/color]
:المصقلة:

هوا حضرتك تقصد الباب التالت ولا الاحتمال لان الاحتمال ده الباب الخامس ؟؟؟؟؟

ربنا يسترها معانا
نسألكم الدعاء

لا تنسى ذكر الله

» اخبار مادة علم الدم مجموعة أ
» اخبار مادة الهرمونات مجموعة أ
» اخبار مادة البيولوجيا الجزيئيه مجموعة أ
» اخبار مادة كيمياء المناعة مجموعة أ
» نتيجة البايو مجموعه (أ)