جدول الامتحانات المعدل

شكرا يا دكتور الن كنت محتاجة اتاكد ماموضوع لاني سمعت عنه فقط

ياجماعة الجدول وحش ولازم يتغير
ياريت الجماعة اللي بيحضروا الأحد يغيروا الجدول وإن شاء الله العملية دي سهلة مدام هنغير في المواد

لاء يا جماعه معاد الهرمونات كان الاول احسن
لانها محتاجه تركيز وكمان لما تبقه اول ماده هنقدر نذاكرها براحتنا
ياريت نحاول نرجعها زى الاول

ايوه كدا وحش اوى انا مع الدكتور ناديه اننا نرجع الجدول زى ما كان الماده محتاجه وقت للمذاكره
مين اللى اقترح التغير دا ولا الدكتور هو اللى غيره؟

معاد الهرمونات كان الاول احسن فعلا

يعنى يا جماعه بداية امتحاناتنا بقيت يوم 11/6
هوا مين اللى اقترح تغيير ميعاد امتحان الهرمونات ؟؟؟؟

واللة يجماعة الجدول كان الاول احسن بس ان شاء اللة لازم يكون فية موقف والعملية مش تعدى كدة

والله ده حرام لأن انا فعلا عملت اجازة من شغلى بناء على الجدول القديم وطلعت عينى لحد عملتها

موش ينفع اللخبطه دى يا جماعه الناس رتبت نفسها على الجدول القديم وانا واحده منهم
ياريت اللى مهتم بالموضوع دا يحاول يرجعه تانى زى ما كان

ياريت ياجماعه نلاقى طريقه فعلا علشان نرجع الجدول القديم
لان الجدول الجديد ده متلخبط اوى وكمان فى ناس ظبطت نفسها على الجدول القديم

انا شكلى كدا موش داخله امتحانات الترم دا
انا معترضه ونفسى اعرف ايه سبب تغير الجدول ؟
موش فارقه بقى تلات من اربع دكتور عادل

انا كان عندى استفسار؟
الناس اللى اتفصلت او اتشطب اسمها من الكشوف ايه السبب؟
ياريت اللى عنده فكره يقولى

اكيد محضروش امتحانات الترم الاول كلها

لا اكيد تفرق يادكتوره
لان بدل ماكان فى 3 ايام للمذاكره
كده بئوا 2 بس
وربنا يستر

اه يعنى السبب امتحانات الترم الاول شكرا دكتور عادل على التوضيح

NO COMMENT

NO COMMENT

NO COMMENT

الجدول المعدل وحش جدااااااااااااااااااااااااا ياريت يتغير لان كده هيبقى دمار ومش هينفع خالص

حسبنا الله ونعم الوكيل
هى ناقصة لخبطة
الواحد هيلاقيها منين ولا منين
ده اللي فينا يكفي ويزيد

ياترى مين السبب فى التغير ده حرام الجدول وحش جداااااااااااااااااا وياريت نرجع الجدول القديم زى ماكان لانه كان حلو فعلا ربنا معانا

هوا كويس ان الامتحانات اتأخرت شوية بس ياريت نخلى قبل امتحان الهرمونات أيام زيادة شوية
ونبدل امتحان علم الدم مع امتحان الاحصاء

السبب في تغيير الجدول وتغيير الأرقام هو انكو سكتوا على الاهمال اللي موجود ومطالبتوش بحقكوا
السبب في تغيير أي حاجه هو ان طلبة الدبلومه اللي هما عباره عن دكاتره وصيادله وكيميائيين الكليه بتستهين بيهم والدكاتره نفسهم معتبرينهم تلاميذ
وكل اللي بيفكروا فيه الطلبه تشتري المذكرات وسعر المذكره والشيت الملون كنوع من الارهاب للطالب عشان يشتري ويدفع
وبعد كل اللي بيدفعه يروح يوم الامتحان يلاقي الجدول اتغير
وبعد كل اللى دفعه يكتب رقم جلوسه يلاقي اتحطتله نتيجة حد تاني عشان الارقام اتغيرت وهو طبعا ازاي ميشوفش رقمه الجديد لأ غلطان فعلا
يا جماعه ادخلوا الامتحان وانتو وبختكوا محدش يذاكر يمكن تجيله درجة الدكتوره ناديه ولا الدكتوره شيماء ولا حد من الناس الشاطره دي ويبقه وفر مجهود
وأنا متوقعه طبعا مين هيرد على كلامي ده وهيقول ايه
انتظرونا في العدد القادم من مهزلة دبلومة شايلين بالكوم

هانقول ايه بس كلامك كله صح لكن اللى فى شبين الكوم موش موجود فى جامعه تانيه كفايه ان الدكاتره اهو بيحاولوا يساعدونا على اد مايقدروا لدرجه مثلا ان الدكتور يديلك الامتحان فى صوره شيت وياخد على كدا حقه (فلوس) ودا موش بيحصل على الاقل فى الجامعات التانيه على حد علمى
واحنا موش هانضحك على نفسنا احنا كلنا جاين عايزين الشهاده دى وخلاص واللى عدى اكتر من اللى جاى خلاص نستحمل تحكماتهم لحد مانخلص والجدول يرجعوه ولا موش يرجعوه خلاص فوضت امرى لله ودعواتنا للناس اللى معاهم مواد من الترم الاول لان الموضوع بالنسبه ليهم اصعب

ياجماعه معاد امتحان الهرمونات الاول كان احسن وكمان احنا كنا رتبنا نفسنا عليه ياريت نحاول نرجعه

اوك يا جماعه مدام هما عايزين الايام الاولى من الامتحانات عشان امتحانات تانيه
احنا نخلى الجدول زى ماهو بس الهرمونات تفضل اول ماده ياعنى ممكن نحاول معاهم انهم يبدلو الهرمونات بلبيولوجيا الجزيئيه او اى ماده اخرى
ياريت نحاول بجد لان الهرمونات من الصعب جدا نذاكرها فى يومين بس

يعنى يا ريت نبدل الهرمونات مكان الاحصاء وتبقى الاحصاء هى اللى اخر يوم لان الواحد بيجى على الاخر وبيفصل وحرام الهرمونات محتاجه مجهود لكن الاحصاء سهله وخفيفه موش محتاجه تعب فى المذاكره

ياريت

aly 0mer كتب:

الشيت الملون مش فكرة مبتكره في دبلومة شبين ولا في جامعه المنوفيه دي ظاهرة في جميع ارجاء المعمورة ومش خاصيه لشبين وبس
دبلومة شايلين بالكوم ؟؟؟؟؟؟؟؟؟ هل تصح التسميه ؟؟؟؟؟؟؟؟؟وان صحت مين اللي هيشيل ؟ واساسا مين اللي هيحمل لقب حاصل علي دبلومة شبين الكوم ؟وهل يصح اننا نقبل علي نفسنا اننا نشيل لقب دبلومة شايلين بالكوم ؟
دكتور اميرالدا برجاء مراعاة القوانين العامة للمنتدي واحترامها عشان دي مش اول مرة بس المرة دي نزود عليها رجاء انك تحترمي الدبلومة ان مكانش عشان الكليه يبقي عشان اخواتنا وزمايلنا اللي فيها حتي ولو مكناش احنا فيها

زي ما قلت أنا متوقعه مين هيرد على كلامي وهيقول ايه

السلام عليكم دكتوره اميره
انا لم اقصد هذا ولكن من حق الدكتور دا لانه تعب فى تجميع ماده علميه وعمل شيت فيه اسئله عشان نعرف نظام الامتحان
احنا كنا فى جامعه المنصوره لاكان فيه كتب فى الكيمياء الحيويه ولا حتى شيتات فيها اسئله وكنا بنتعب عشان نذاكر ونعرف نظام الامتحان
وبصرف النظر كل مكان فيه مميزاته وعيوبه وانا شايفه انه خلاص ياريت نفكر فى المذاكره عشان نخلص على خير والمهم انه اللى يفضل فى الموضوع دا كله الصحوبيه والتعاون اللى بينا ....تقبلى تحياتى دكتوره اميره

السلام عليكم دكتور مصطفى
وانا مع حضرتك يمكن الالفاظ خانت الواحد شويه لانه كان بيتكلم بواقعه زى ماحضرتك ما بتقول لكن انا اتمنى ان الاختلاف مايكنش على الاشخاص ويكون فى الاراء بس
والخلاف فى الرأى لا يفسد للود قضيه
ولو انها موش قضيه ولا حاجه انا بكرر ياريت نركز على المذاكره فى الايام دى ونسأل توفيق ربنا عز وجل

كفاية خناق

أخوتى الكرام
كل واحد مننا له وجهة نظره
فلنتناقش افضل فى المواد
بدل اللوم والعتاب على بعضنا البعض

**************
بالنسبة لى طبعا
كان الجدول الاول أرحم

وانا مع اقتراح
ان هرمونات تكون اول يوم

ياريت فعلا نحاول نرجع الهرمونات اول ماده لانها صعبه اوى يكون قبلها يومين بس

يا جماعه موش ممكن هانفضل نتكلم كل يوم فى الموضوع دا على المنتدى لازم نتفق ونرشح ناس تنزل الكليه وتحاول تغيره بس لازم ناخد قرار نهائى احنا عايزين ايه ؟
الهرمونات مكان الاحصاء ولا الهرمونات تبقى اول ماده ولا ايه؟؟
وياريت الناس اللى نرشحهم يكونوا من البلد عشان السفر
تحياتى للجميع........

معاكى حق دكتوره ناديه واسفين وعارفين اننا خرجنا عن الموضوع الاساسى بس معلش كان لازم تصحيح وجهه النظر
تقبلى تحياتى........