لما دخلت الجامعة

لمــا دخلـت الجامعـــة فرحـــــت
قلت خلا ص هاعمل حاجـــــــــة
يلا يا واد ذاكـــــر واتعـــــــــــب
يمكـــــن تطلـــع فـــوق العــــادة
اسهـــر واتعــــب ويــــا كتابـــك
تلقـــى نجاحـــك حلـــــو زيــادة
لمــا نجحــت طلعــــــــــت الأول
واحمــد ربــى شيـلـــت شهـــادة
فرحـــة كبيـــرة عظيمـــة لأهلى
صقفه وضحكه بين العيله
والشربات بيلف الحارة
يله يا دكتر شد فى حيلك
لازم تيجى لينا زيارة
قلت الأول لما اتعين
لما أكمل علم وعلم
لما أدرس جوا الجامعة
تبقى حياتى أحلى سعادة
لازم أشرف أبويا وأمى
لازم أحقق حلم سنين
لازم أفتح أيوه عيادة
خلص اليوم بالبسمة الحلوة
يوم واتنين وتلاته وعدوا
وقلت أروح الجامعة اتعرف
امتى هاكون فيها معلم
رحت البسمة تدوب فى شفايفى
أسأل هنا وهناك عن حقى
وفجأة سمعت الكلمة المره
زى ما أكون أنا الدره
امشى بعيد من هنا يا حماده
أبوك فلاح .....مش متعلم
هى رصاصه دخلت قلبى
ذنب أبويا
ولا أمى وقفت جنبى
هو الفقر خلاص أتعيب
ولا العلم ما لوش لزمه
شايف الكوسة بعينى وراضـى
قولى أعمل إيه يا قاضــــــى
بضرب إيد على إيد واتعجـــــــب
هم خلاص خلونى فاضـــــــــــى
غصبـــن عنـــى بأقـــــول الآه
بس ها أقول إيه للماضى