مش مهم

مش مهم تبقي هيه
المهم ايه ف اللي انت فيه
ومش مهم تبقي ازاي
عايش ولا ميت
رايح ولاجاي
ومش ليه وازاي
تعيش وتموت في سلام
وان قولت ازاي وليه
يطلعلك مليون بيه
وتعيش مره وتموت الف
تبني احلام على اوهام
واهوه كله كلام
حصل محصلش
واهي احلام
تتباع بكام
وان مبعتش وصممت تحلم
تعيش تحلم
وتموت بتحلم
انك عايش ولا ميت
وتفوق م الحلم
ع انه كابوس مدسوس عليك
مقلنالك بيع
تعيش ف ربيع
وبطل تحلم
ولو مش عجبك
ارفع وشك وعلي صوتك
يمكن حد يجييلك حقك
ولو ملقتش
حمر خدك ونام وارتاح
يمكن تحلم حتة حلم
يحقق حلمك ويرجع حقك
وان محلمتش
يبقي ده حظك
عايش ميت
صاحي بتحلم
واهوه حقك
خليك قنوع
وماتقولش حقك
حقك بس انك تعيش
وما تقولش ازاي وفين
وليه وهمتي
واديك عايش
والا مش مهم